قازاق راديوسىنىڭ ءتول جوباسى -
«دالا داۋىسى 2014»راديوفەستيۆالى بيىلدا ەلوردا تورىندە وتكەن سالتاناتتى كەشتە «ءداستۇرلى ءان»، «اكادەميالىق ورىنداۋشى»، «ەسترادالىق ورىنداۋشى»، «ەتنوەسترادا» جانە «جاڭا ەسىم» اتالىمدارى بويىنشا ب ا ق سىناپ، جەڭىمپاز اتانعان 20 ورىنداۋشى ماراپاتتالدى.
«دالا داۋىسى» راديوفەستيۆالىالعاش رەت ەفيردە 2012 جىلى باستاۋ الىپ، قازاق مۋزىكاسى ارقىلى انا ءتىلىمىزدى دۇنيەجۇزى ەلدەرىنە بارىنشا ناسيحاتتايتىن ەلىمىزدەگى ءبىرىنشى، ءارى جالعىز راديوفەستيۆال. باستى تالاپ –فەستيۆالعا قاتىسۋشىلاردىڭ، ءتىپتى ول شەت ەلدىك ۇمىتكەرلەر بولسا دا، قازاق ءانىن ناقىشىنا كەلتىرىپ ورىنداۋ. سول سەبەپتى دە از عانا ۋاقىت ىشىندە «دالا داۋىسى» جوباسى راديوفەستيۆال شەڭبەرىنەن اسىپ، بەدەلدى مۋزىكالىق شەرۋگە اينالىپ وتىر. اتالمىش جوبانىڭ باستى ماقساتى – قازاقتىڭ ءداستۇرلى جانە زاماناۋي اندەرىن حالىقارالىق دەڭگەيدە كەڭىنەن ناسيحاتتاۋ، ءسىڭىرۋ. ونەر الەمىنە جاڭا تالانتتاردى «جاڭا ەسىمدەردى» اشىپ تانىتۋ. ءار جىلدارداعى قازاقتىڭ ءان تاريحىن ۇمىتتىرماي، تىڭدارمانعا جۇلدەلەپ اققان قان تامىرىنداي جاقىن بولۋ.
«دالا داۋىسى - 2014»ميليونداعان راديوتىڭدارمان سۇيىكتى اندەرىنە 100 % داۋىس بەرۋى ارقىلى 41 ءانشىنى فينالعا وتكىزدى. ال، فينالدا 40% تىڭدارمانداردىڭ داۋىس بەرۋىمەن، 40% مامانداردىڭ ساراپتاۋىمەن، 20 % قازاق راديوسىنىڭ كوركەمدىك كەڭەسىنىڭ شەشىمىمەن جانە ۇيىمداستىرۋ القاسىنىڭ تاڭداۋى ناتيجەسىندە جەڭىمپازدار انىقتالدى.
«دالا داۋىسى - 2014» راديوفەستيۆالىنىڭ لاۋرەاتتارى: «ءداستۇرلى ءان» اتالىمى بويىنشا:گۇلمارس امانبايەۆا – «قامشىگەر» قايرات كاكىموۆ – «ۇلكەن ايداي» ارداق يساتايەۆا – «ءىنجۋ- مارجان» ءسابيت دابىلوۆ – «قۇمارىن تارقات»
«اكادەميالىق ورىنداۋشى» اتالىمى بويىنشا:بيبىگۇل جانۇزاق پەن نۇرعالي تۇرلىبەكوۆ دۋەتى – «نازقوڭىر».
«ەسترادالىق ورىنداۋشى» اتالىمى:ءالي وقاپوۆ – «بيلە» التىناي جورابايەۆا – «پەرزەنت پارىزى» مارجان اراپبايەۆا – «ارمانىما اسىعامىن» قۇرماش ماحانوۆ – «كىرشىكسىز مۇڭ» «زامان» توبى – «قاراكوزىم» قايرات باەكەنوۆ جانە «فورمات» توبى – «ماحاببات»
«ەتنوەسترادالىق ورىنداۋشى» اتالىمى:اقىلبەك جانابايەۆ – «قازاقپىن» شاحيريزات سەيداحمەت – «جەلدىرمە»
«جاڭا ەسىم» اتالىمى بويىنشا:الداسپان توبى – «بوزتورعاي» قازاقستان مارجان يسايەۆا – «داۋرەن اي» قازاقستان سايان دەمبيريەل –«اۋىلىم» رەسەي ەكاتەرينا سىچيەۆسكايا –«قازاقستانىم العا» بەلارۋسسيا لانا فرانچەسكو – «ءاليا» لاتۆيا ادريانا شيەۆچەنكو - «العاشقى كوكتەم» ۋكراينا قاينار قاتپايەۆ – «استانا ارۋى» جۇڭگو حالىق رەسپۋبليكاسى فەستيۆالعا قاتىسۋشىلار كەرەمەت ونەر كورسەتىپ، سالتاناتتى تۇردە مارپاتتالدى. جەڭىمپاز اتانعان ورىنداۋشىلارعا «دالا داۋىسىنىڭ» ەكسكليۋزيۆتى ستاتۋەتكاسى مەن ارنايى ديپلومىن ەلىمىزدىڭ ونەر جانە قوعام قايراتكەرلەرىمەن، دەپۋتاتتار تابىستادى. كەش ونەر سۇيەر قاۋىممەن راديوتىڭدارماندارىمىزدىڭ ويىنان شىعىپ، جوعارى دەڭگەيدە ءوتتى.
مارجان نۇرجانوۆا
پىكىر قالدىرۋ