ساياسات، ەكونوميكا، ءبىلىم بەرۋ، دەنساۋلىق ساقتاۋ، سپورت، مادەنيەت جانە قوعامنىڭ وزگە دە تىنىس تىرشىلىگى تۋرالى جەدەل ءارى سەنىمدى اقپارات تاراتىپ جۇرگەن «قازاقپارات» حالىقارالىق اقپارات اگەنتتىگىنىڭ قۇرىلعانىنا 97 جىل تولدى. بۇل تۋرالى «قازاقپارات» حاا باس رەداكتورى اسقار قۇمىران ءوزىنىڭ فەيcبۋك پاراقشاسىندا جازدى دەپ حابارلايدى Qamshy.kz اقپارات اگەنتتىگى.

«مەنىڭ كوزقاراسىم بويىنشا، داۋرەن ابايەۆ بۇگىنگىنىڭ ەڭ وزىق ءارى دەموكراتياشىل ءمينيسترى. «قازاقپارات» ءحاا-نىڭ 97 جىلدىق مەرەيتويىنا كەلىپ، ۇجىمدى قۇتتىقتادى. ءمينيستردىڭ بىزگە كورسەتكەن جوعارى قولداۋىنا العىسىمىزدى بىلدىرەمىز! ۇجىم ءوز كەزەگىندە داۋرەن اسقاربەكۇلىن «التىن بىتىكشى» بەلگىسىمەن ماراپاتتاۋدى ءجون سانادى. ال بىتىكشى دەگەنىمىز – تاريحىمىزدى تاسقا قاشاپ قالدىرعان ءبىزدىڭ اتا-بابالارىمىز. بۇگىنگىنىڭ تىلىمەن ايتقاندا قازاق تاريحىنداعى ەڭ العاشقى جۋرناليستەر. «بۇگىنگى كۇن – ەرتەڭگى تاريح» دەپ جازدى اسقار قۇمىرىن ءوزىنىڭ فەيcبۋك پاراقشاسىندا.

ايتا كەتسەك، قازاقپارات – حالىقارالىق دارەجەگە يە بولعان قازاقستانداعى العاشقى اقپاراتتىق اگەنتتىك. اگەنتتىك قازاق، ورىس جانە اعىلشىن تىلدەرىندە حابار تاراتادى. كيريلليسانى وقي المايتىن شەتەلدە تۇراتىن قانداستارىمىز ءۇشىن قازاقشا جاڭالىقتار لاتىن گرافيكاسى مەن ارابشا توتە جازۋعا اۋدارىلعان. اگەنتتىكتىڭ ورتالىق كەڭسەسى قازاقستاننىڭ ەلورداسى استانا قالاسىندا ورنالاسقان. ەلدىڭ قارجىلىق جانە مادەني ورتالىعى الماتىدا ونىڭ فيليالى – تىلشىلەر بيۋروسى بار. ەلدىڭ بارلىق ايماقتارىندا 15 تىلشىلەر پۋنكتى ورنالاسقان. ونىڭ ىشىنە بايقوڭىر دا كىرەدى. رەسەي، جۇڭگو، تۇركيا، ءباا، بەلگيا، ءازىربايجان، وزبەكستان، قىرعىزستان ەلدەرىندە مەنشىكتى تىلشىلەرى بار. بۇل ەلىمىزدە جانە الەمدە بولىپ جاتقان جاڭالىقتاردى on-line رەجيمدە جەدەل ءارى شىنايى تاراتۋعا مۇمكىندىك بەرەدى.

ايتا كەتسەك، «قازاقپارات» 1920 جىلى «روستا»-نىڭ ورىنبور-تورعاي بولىمشەسى نەگىزىندە قۇرىلدى.

حالىققا ساپالى اقپارات تاراتىن جۇرگەن "قازاقپارات" ۇجىمىن Qamshy.kz اقپارات اگەنتتىگى ۇجىمى شىن جۇرەكتەن قۇتتىقتاپ، شىعارماشىلىق تابىستار تىلەيدى!