تالدىقورعاندا نارەستەسىن 400 مىڭ تەڭگەگە ساتپاق بولعان ايەل ۇستالدى. 31 جاستاعى كەلىنشەك قىلمىس ۇستىندە قولعا ءتۇستى، دەپ حابارلايدى Qamshy.kz اقپارات اگەنتتىگى قازاقپارات سايتىنا سىلتەمە جاساي وتىرىپ.
«كۇدىكتى ايەل كورشى ەلدىڭ ازاماتشاسى. ول قازاقستانعا كوكتەم ايىندا كەلگەن. ماۋسىمدىق جۇمىس ىزدەپ كەلگەن كەلىنشەك مامىر ايىندا بوسانعان. قىز بالانى 400 مىڭ تەڭگەگە ساتىپ جاتقاندا ۇستالدى»، - دەدى الماتى وبلىستىق ءىىد باسپا ءسوز قىزمەتى.
ءقازىر ادام ساۋداسى بويىنشا ق ر قك 135-بابىنا سايكەس قىلمىستىق ءىس قوزعالدى. ءوز قىزىن ساتپاق بولعان شەتەلدىك ازاماتشا قاماۋعا الىنعان ەكەن. ال نارەستە سابيلەر ۇيىنە تاپسىرىلىپتى.
