28 تامىز كۇنى قازاقستان تەرريتورياسى انتيسيكلوننىڭ ىقپالىندا بولادى. وسىعان وراي، جاۋىن-شاشىنسىز كۇن رايى ساقتالادى، تەك سولتۇستىكتە جانە شىعىستا اتموسفەرالىق فرونتتاردىڭ وتۋىنە بايلانىستى كەي جەرلەردە وتكىنشى جاڭبىر جاۋىپ، نايزاعاي وينايدى، دەپ حابارلايدى Qamshy.kz اقپارات اگەنتتىگى قازگيدرومەت مالىمەتىنە سۇيەنىپ. 

جەكەلەگەن اۋماقتاردا جەل كۇشەيەدى، سولتۇستىكتە تۇندە جانە تاڭەرتەڭ تۇمان كۇتىلەدى.  اتاپ ايتقاندا، قوستاناي، سولتۇستىك قازاقستان، كۇندىز شىعىس قازاقستان وبلىستارىنىڭ كەي جەرلەرىندە نايزاعاي ويناپ، 15-20 م/س ەكپىندە جەل سوعادى. سولتۇستىك قازاقستان وبلىسىندا تۇندە جانە تاڭەرتەڭ تۇمان بولادى. وڭتۇستىك قازاقستان وبلىسىنىڭ كەي اۋماقتارىندا جەلدىڭ جىلدامدىعى 15-20 م/س كۇشەيىپ، كۇندىز تاۋلى ايماقتاردا نايزاعاي كۇتىلەدى.

سونداي-اق كۇندىز اقمولا، قاراعاندى وبلىستارىنىڭ كەي جەرلەرىندە جەلدىڭ ەكپىنى 15-20 م/س ارتىپ، اقمولا وبلىسىنىڭ جەكەلەگەن اۋداندارىندا نايزاعاي بولجانادى.

كۇندىز ماڭعىستاۋ، اتىراۋ، قاراعاندى وبلىستارىنىڭ كەي اۋماقتارىندا قاتتى ىستىق اۋا رايى ساقتالادى.

دۇيسەنبى كۇنى اقتوبە، اتىراۋ، قىزىلوردادا، كەي جەرلەردە وڭتۇستىك قازاقستان، جامبىل، الماتى، شىعىس قازاقستان، باتىس قازاقستان، قوستاناي، قاراعاندى، اقمولا وبلىستارىندا جوعارى ءورت ءقاۋپى ساقتالادى.