بىلتىر ۇلتتىق ۆاليۋتامىز تەڭگەنىڭ دوللارعا شاققانداعى قۇنىنىڭ قۇلدىراۋى بيىل رەسەيلىك ءرۋبلدىڭ دە باسىن كەلدى. 1 دوللار 53.44 رۋبلگە تۇراقتاعان. بۇل ءبىزدىڭ ءبىزدىڭ ۆاليۋتامەن 181.83 تەڭگەنى قۇرايدى. رەسەيدەگى دوللاردىڭ بۇلاي شارىقتاۋى قازاقستاندىق كولىك ساتىپ الۋشىلاردىڭ ايىن وڭىنان تۋعىزدى. رەسەيدىڭ وتاندىق اۆتوكولىكتەرىمەن قوسا، سول ەلدەگى شەت ەلدىك اۆتوكولىكتەردى وڭتايلى باعادا ساتىپ الۋعا مۇمكىندىك اشىلىپ وتىر دەپ حابارلايدى Kolesa.kz سايتى. بىزدەگى باعامەن ول جاقتاعى قىمبات كولىكتەردىڭ قۇنىن سالىستىرعان ساراپشىلار شىنىندا ءبىرشاما ايىرماشىلقتاردىڭ بارىن بايقاعان. ولاردىڭ وتاندىق ونىمدەرىنەن Renault Duster، Lada Priora، Hyundai Accent ( رەسەيدە Solaris) جانە Toyota Land Cruiser Prado اۆتوكولىكتەرىن تاڭداپ الىپ، باعاسىن سالىستىرعان.
Lada Priora رەسەيدە تومەنگى جاعدايدا جابدىقتالعان نۇسقاسى 6 913 دوللاردان، ال ليۋكس دارەجەسىندەگىلەر 8 465 دوللاردى قۇرايدى. ال بۇل كولىكتىڭ بىزدەگى قۇنى 9 143 پەن 11 630 دوللاردىڭ اراسىندا.
ەكىنشى بىزدەگى « ءساندى» اۆتوكولىكتەردىڭ بىرەگەيى Hyundai Accent باعاسى مينيمالدى جاعدايدا جابدىقتالعان نۇسقاسى 8 837 دوللاردان باستالىپ، جوعارى دەڭگەيدەگىسى 11 895 دوللاردى قۇراعان. قازاقستانداعى ساتىلىم باعاسى 14 -20 000 دوللار ارالىعىندا.
Renault Duster رەسەيدە قاراپايىم جابدىقتالعان ۇلگىسى 9 140 دوللار بولسا، ليۋكس جابدىقتاعىسى 15 175 دوللاردى قۇرايدى. ال، قازاقستان نارىعىنداعى باعاسى 14،500 بەن 23،700 دوللار ارالىعىندا.
Toyota Land Cruiser Prado 2،7ء-ليترلى قوزعالتقىشتى كولىگى قاراپايىم جابدىقتا - 33 000 دوللاروۆ بولسا ليۋكس جابدىقتاعىلارى 55 414 دوللاردى قۇرايدى. قازاقستان نارىعىنداعى كورسەتكىشى 52 900 مەن 86 100 دوللار اينالاسىندا. قىمبات كولىك قول جەتىمدى نارسەگە اينالدى. اقشاڭ بولسا قالتاڭدا، رەسەيگە قاراي تالتاڭدا.
