اقتاۋ. 17 مامىر. BNews.kz   -  بۇگىن اقتاۋدا جاڭاوزەن قالاسى ۋۇي بۇرىنعى باستىعى جەڭىسبەك تەمىروۆكە قاتىستى قىلمىستىق ءىس بويىنشا ۇكىم وقىلدى، دەپ حابارلايدىBNews.kz ءتىلشىسى.

سوت ۋۇي بۇرىنعى باستىعىن 5 جىلعا باس بوستاندىعىنان ايىردى، ول جازاسىن جالپى رەجيمدەگى كولونيادا وتەيتىن بولادى. سونىمەن قاتار، تەمىروۆكە 5 جىل ىشىندە پوليسەي قىزمەتىن اتقارۋعا تىيىم سالىنعان. جەڭىسبەك تەمىروۆ سوتقا دەيىن ءۇيقاماقتا بولدى. ۇكىم وقىلعاننان كەيىن ونى كۇزەتشىلەر تۇتقىنعا الدى. ءۇيقاماقتا بولعان ۋاقىت جالپى مەرزىمدى وتەۋ كەزىندە ەسەپكە الىنادى. ەسكە سالا كەتەيىك، جاڭاوزەن قالاسى ۋۇي بۇرىنعى باستىعى جاڭاوزەندەگى تارتىپسىزدىكتەر كۇنى تۇتقىندالعان بازارباي كەنجەبايەۆتى ۋۇي-دە زاڭسىز ۇستاپ، ۋاقىتىلى اۋرۋحاناعا جەتكىزۋدى قامتاماسىز ەتپەگەنى ءۇشىن ايىپتالعان ەدى. مەملەكەتتىك ايىپتاۋشى جاڭاوزەن قالاسى ۋۇي بۇرىنعى باستىعى جەڭىسبەك تەمىروۆتى 7 جىلعا باس بوستاندىعىنان ايىرۋدى سۇرادى.

دەرەككوز: bnews.kz