قازاقستان رەسپۋبليكاسىنىڭ ۇلتتىق ەكونوميكا ۆيسە-مينيسترى بولىپ باۋىرجان بەكەشيەۆ تاعايىندالدى،  دەپ حابارلايدى Qamshy.kz اقپارات اگەنتتىگى primeminister.kz سايتىنا سىلتەمە جاساي وتىرىپ.

باۋىرجان بەكەشيەۆ 1961 جىلى قاراعاندى وبلىسىندا دۇنيەگە كەلگەن.

1983 جىلى قاراعاندى پوليتەحنيكا ينستيتۋتىن، 2001 جىلى — ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن ءتامامداعان. ماماندىعى بويىنشا — ينجەنەر-مەحانيك، زاڭگەر. 

ەڭبەك جولىن 1983 جىلى قاراعاندى قالاسىندا وندىرىسكە وقىتۋ شەبەرى قىزمەتىنەن باستاعان.

1986–1997 جىلدارى ينجەنەر-كونسترۋكتور، «قاراعاندىكومىر» ءوب تاۋ-كەن شاحتا جابدىقتارىن جوندەۋ زاۋىتىنىڭ كومبايندار جوندەۋ سەحى باسشىسىنىڭ ورىنباسارى بولىپ قىزمەت اتقارعان.

1999–2008 جىلدارى «قاراعاندى وبلىسىنىڭ كاسىپكەرلىك جانە ونەركاسىپ دەپارتامەنتى» مب-دە، كاسىپكەرلەر مەن جۇمىس بەرۋشىلەردىڭ جالپىۇلتتىق وداعىندا، «قازاقستاندىق پەت-قاپتاما وندىرۋشىلەر قاۋىمداستىعى» زتب-دە جۇمىس ىستەگەن.

2008–2014 جىلدارى يندۋستريا جانە ساۋدا، ەكونوميكا جانە بيۋدجەتتىك جوسپارلاۋ، ەكونوميكالىق دامۋ جانە ساۋدا، وڭىرلىك دامۋ، ۇلتتىق ەكونوميكا مينيسترلىكتەرىندە ءتۇرلى قىزمەتتەردى اتقارعان.

2014 جىلدان باستاپ قازىرگى تاڭعا دەيىن ماسكەۋ قالاسىندا ەۋرازيالىق ەكونوميكالىق كوميسسيانىڭ كاسىپكەرلىك قىزمەتتى دامىتۋ دەپارتامەنتىنىڭ ديرەكتورى بولىپ جۇمىس ىستەگەن.

«ەرەن ەڭبەگى ءۇشىن»، «ق ر تاۋەلسىزدىگىنە 20 جىل» مەدالدارىمەن ماراپاتتالعان.