الماتىدا "سبەربانك" فيليالى باسشىسىنىڭ ورىنباسارى مەن ونىڭ قولاستىنداعى قىزمەتكەرى بانكتىڭ اسا ءىرى كولەمدەگى قاراجاتىن جىمقىرعانى ءۇشىن سوتتالدى، - دەپ حابارلايدى Qamshy.kz اقپارات اگەنتتىگى مەدەۋ اۋداندىق №2 سوتتىڭ باسپا ءسوز قىزمەتىنە سىلتەمە جاساپ. 

2015 جىلدىڭ ماۋسىمىندا الماتىداعى "سبەربانك" اق-نىڭ №101 فيليالىنىڭ باستىعىنىڭ ورىنباسارى بانك كليەنتتەرىنىڭ اراسىندا جۇرگىزىلگەن اكسيا كەزىندە "سبەربانك" ءاق-نىڭ كليەنتتەرىنە بەرۋ ءۇشىن "FA" دۇكەندەر جەلىسىندە كوسمەتيكا وڭىمدەرى مەن كيىم-كەشەكتى الۋعا قۇقىق بەرەتىن 100 000 تەنگە نومينالىنداعى 80 دانا سىيلىق سەرتيفيكاتتارىن العان.

"ول ءوزىنىڭ قىزمەتتىك  جاعدايىن پايدالانىپ بۇل سەرتيفيكاتتاردى يەمدەنىپ، بانكتىڭ 14 كليەنتىنە تيەسىلى 1 500 000 تەڭگە سوماسىندا "SFA" دۇكەنىندە تاۋار العان"، - دەدى سوتتاعىلار.

ال  2016 جىلدىڭ 28 ناۋرىزىندا ول وزىنە باعىنىشتى س.-نى "سبەربانك" اق-نىڭ سەنىپ تاپسىرعان مۇلىكتى يەمدەنىپ الۋ، تالان-تاراجعا سالۋعا يتەرمەلەدى. ا. "سبەربانك" اق -دا ءوزىنىڭ اتىنا باستاپقى جارناسى 7 706 275 تەڭگە اقشا سوماسىندا ەسەپشوتىن اشتى. 2016 جىلدىڭ ءساۋىر ايىندا بانكتىڭ كليەنتى ا. كەنەتتەن قايتىس بولدى، ونى س. بىلگەن سوڭ بانك كليەنتى ا.- عا ەسەپ شوتىنا قىزىعۋشىلىق تانىتقان ب.-عا حابارلادى جانە ونىڭ مۇراگەرلەرىنىڭ جوقتىعى تۋرالى انىقتادى.

"بانك كليەنتتەرىنىڭ شوتتارىنا تىكەلەي وكىلەتتىلىگى بولا تۇرا، س. مەن ب. سمس بانكينگ ارقىلى "سبەربانك ونلاين" كارتاسىنىڭ كومەگىمەن ا. كليەنتىنىڭ بانك كارتاسىنان 7 663 000 تەڭگە اقشا سوماسىن الىپ "سبەربانك" اق-نا اسا ءىرى مولشەردە ماتەريالدىق زالال كەلتىردى"، - دەلىنگەن سوتتىڭ حابارلاماسىندا.

سونداي-اق، سوتتاعىلار سوت وتىرىسى بارىسىندا سوتتالۋشىلاردىڭ ءوز كىنالارىن تولىق مويىنداعانىن ايتتى.

"سوت ۇكىمىمەن د. ەسىمدى ەر ادام ق ر قىلمىستىق كودەكسىنىڭ 190 بابىنىڭ 3-بولىگىنىڭ 1-تارماعىندا، 189-بابىنىڭ 4-بولىگىنىڭ 2-تارماعىندا كوزدەلگەن قىلمىستاردى جاساۋدا كىنالى دەپ تانىلىپ، تۇپكىلىكتى مۇلكى تاركىلەۋمەن، 5 جىلعا دەيىن ماتەريالدىق جاۋاپكەرشىلىككە بايلانىستى ەمەس بانكىلىك قىزمەتپەن لاۋازىم اتقارۋدان ايىرا وتىرىپ 8 جىلعا دەيىن باس بوستاندىعىنان ايىرۋ تۇرىندەگى جازا تاعايىندالدى، جازانى وتەۋ ورتا قاۋىپسىزدىكتەگى قىلمىستىق اتقارۋ جۇيەسىندەگى مەكەمەسىندە وتەۋ بەلگىلەندى.

س. ەسىمدى ەر ادام ق ر قىلمىستىق كودەكسىنىڭ 189-بابىنىڭ 4-بولىگىنىڭ 2-بولىگىندە كوزدەلگەن قىلمىستى جاساۋدا  كىنالى دەپ تانىلىپ، 5 جىلعا دەيىن ماتەريالدىق جاۋاپكەرشىلىككە بايلانىستى ەمەس بانكىلىك قىزمەتپەن لاۋازىم اتقارۋدان ايىرا وتىرىپ 7 جىلعا دەيىن باس بوستاندىعىنان ايىرۋ تۇرىندەگى جازا تاعايىندالدى. ق ر قىلمىستىق كودەكسىنىڭ 63-بابىنىڭ 3-بولىگىنىڭ نەگىزىندە  تاعايىندالعان جازا 7 جىلعا شارتتى دەپ سانالدى"، - دەلىنگەن سوتتىڭ حابارلاماسىندا.

ۇكىم زاڭدى كۇشىنە ەنگەن جوق.