2018 جىلدىڭ 17 ماۋسىمىندا استانادا بىرەگەي IRONMAN 70.3 ASTANA جارىسى وتەدى دەپ حابارلايدى Qamshy.kz اقپارات اگەنتتىگى. بۇل تۋرالى 30 شىلدەدە ق ر ترياتلون بويىنشا چەمپيوناتتىڭ اشىلۋىندا قازاقستاننىڭ ترياتلون فەدرەاسياسىنىڭ پرەزيدەنتى كارىم ءماسىموۆ ايتقان بولاتىن. ەڭ قارقىندى دامىپ كەلە جاتقان سپورت تۇرلەرىنىڭ تىزىمىنە ەنگەن ترياتلون – وسى جىلدىڭ ىشىندە ەل بويىنشا جۇزدەگەن جانكۇيەرلەردىڭ جۇرەكتەرىن باۋراپ الدى.

«تەمىر سپورت» اۋەسقويلارىنىڭ ىشىندە ساياساتكەرلەر مەن كاسىپكەرلەر بار.

IRONMAN 70.3 ASTANA-نى ۇيىمداستىرۋ قازاق گەوگرافيالىق قوعامىنىڭ يدەياسى.

«سوڭعى كەزدە قازاقستاندا سپورتتىڭ جاس ءتۇرى –ترياتلون قارقىندى تارالىپ جاتقاندىقتان، ءبىز دە شەتتە قالمايىق دەپ شەشتىك. ءبىز ترياتلوننان «IRONMAN 70.3» جارىستارىن استانادا وتكىزۋ ءۇشىن رەسمي كەلىسىمشارتقا قول قويدىق. 2018 جىلدىڭ جازىندا، استانامىزدىڭ 20-جىلدىعىن اتاپ وتكەندە IRONMAN 70.3 ASTANA ۇيىمداستىرىلسىن دەگەن ويدى ۇسىنعان بولاتىنبىز.  قازاقستاننىڭ ترياتلون فەدرەاسياسىنىڭ پرەزيدەنتى كارىم ءماسىموۆتىڭ دەمەۋىمەن بۇل ءىس-شارا جوعارى دەڭگەيدە وتەتىنىنە سەنىمدىمىز»،- دەدى قازاق گەوگرافيالىق قوعامى قب پرەزيدەنتى.

Ironman —  ۇزاق قاشىقتىققا جۇرەتىن ترياتلون جارىستارىنىڭ سەرياسى، دۇنيەجۇزىلىك ترياتلون كورپوراسياسىمەن (WTC) وتكىزىلەدى. سەريانىڭ ءاربىر بولەك جارىسى ۇزدىكسىز كەلەسى رەتتە: ءجۇزۋ - 3،86 كم، ۆەلو - 180،25 كم جانە جۇگىرۋ - 42،195 كم سەكىلدى ءۇش كەزەڭنەن تۇرادى. الەمدە ترياتلون Ironman ءبىر كۇندە وتكىزىلەتىن جارىستاردىڭ ىشىندە ەڭ كۇردەلىسى بولىپ سانالادى.

IRONMAN  قاشىقتىعىن ءجۇرىپ وتكەن سپورتشىنى  «تەمىر ادام» دەپ اتايدى.

2018 جىلى استانادا وتەتىن Ironman 70.3 جارىسىنىڭ سەرياسى -  بۇل Ironman-نىڭ جارتىسىن قۇرايتىن قىسقالاۋ: 1.9 كم - ءجۇزۋ، 90 كم  -ۆەلوجارىس پەن 21.1 كم -جۇگىرۋ قاشىقتىعىندا بولادى.

بۇگىنگى كۇنى، وسى قاشىقتىق ترياتلوندا كەڭىنەن تانىمال بولىپ ءجۇر.

ءىس-شارانىڭ نەگىزگى ماقساتتارى:

ترياتلوندى كەڭىنەن تاراتۋ، سالاۋاتتى ءومىر سالتىن ناسيحاتتاۋ، قازاقستاندى الەمدىك سپورت ارەناسىندا ىلگەرى جىلجىتۋ، تۋريستەردى كەلتىرۋ.