تۇركيادا دەمالۋعا بارىپ جول اپاتىنا ۇشىراعان 4 قازاقستاندىق ازامات ەلگە ورالدى دەپ حابارلايدى Qamshy.kz اقپارات اگەنتتىگى Tengrinews.kz-كە سىلتەمە جاساپ. ولار انتاليادان ىستانبۇل ارقىلى Turkish Airlines اۋە كومپانياسى ۇشاعىمەن كەلدى. جولدا ولارعا دارىگەرلەر كومەك كورسەتتى.

5.25-تە 4 قازاقستاندىق اۋەجايعا قوندى. سول جەردەن بىرنەشە جەدەل جاردەم كولىگى ولاردى وبلىستىق كلينيكالىق اۋرۋحاناعا الىپ كەتتى. تورتەۋى دە ورنىنان تۇرا المايدى.

اپاتقا ۇشىراعانداردىڭ ءبىرى اسىل ساعىندىقوۆانىڭ اناسىنىڭ ايتۋىنشا، جول بويى قازاقستانعا جەتكەنشە جاستارعا اۋرۋدى باساتىن ءدارى سالىپ كەلدى.

«ءبىز انامىز. ءبىزدىڭ جۇرەگىمىز اۋىرادى. بۇل سۇمدىق جاعداي. ءتىپتى ايتارعا ءسوزىم جوق. ساۋ بالالاردى جىبەرىپ ەدىك...بىلاي بولعانىنا ولار كىنالى ەمەس. مۇنداي جاعداي باسقا بىرەۋدىڭ باسىنان وتپەسىن. بالالاردىڭ دەنى ساۋ بولسىن. ەشكىمنىڭ مۇنداي سۇمدىقتى باستان وتكەرگەنىن قالامايمىن. تۇركياعا بارماس بۇرىن ساقتاندىرۋ تۋرالى ويلماپپىز» دەدى ساۋلە ساعىندىقوۆا.

ول جاراقات العان ەكى ادامعا قايتا قالپىنا كەلۋ ءۇشىن از دەگەندە ەكى جىل ۋاقىت كەرەك ەكەنىن دە ايتىپ ءوتتى.