2017 جىلى 1 قازاندا قازاقستان مەن گرەكيا ءوز ديپلوماتيالىق قارىم-قاتىناستار ورناۋىنىڭ 25 جىلدىعىن اتاپ ءوتتى دەپ حابارلايدى Qamshy.kz اقپارات اگەنتتىگى ءسىم سىلتەمە جاساي وتىرىپ.
شيرەك عاسىر ىشىندە ءبىزدىڭ مەملەكەتتەرىمىزدىڭ قارىم-قاتىناستارى تەڭدىك ءپرينسيپى مەن ءوزارا قۇرمەت نەگىزىندە ەداۋىر دامىپ، ايتارلىقتاي جەتىستىكتەرگە قول جەتكىزدى. ەلدەر اراسىنداعى دوستىق جانە تۋىستىق بايلانىستار قازاقستانداعى كوپتەگەن گرەك دياسپوراسى جانە گرەكيادا تۋراتىن بۋرىنعى ءبىزدىڭ ازاماتتار ارقىلى وسە تۋسۋدە.
ەللادا – قازاقستاننىڭ ەۋروپالىق كەڭىستىگىندەگى ەسكى جانە سەنىمدى ارىپتەسى. ەكىجاقتى قارىم-قاتىناستاردا كوپجوسپارلى مادەني-گۋمانيتارلىق ءوزارا ارەكەتتەستىكتىڭ ەرەكشە ءرولىن اتقارادى، ساۋدا-ەكونوميكالىق جانە ينۆەستيسيالىق ىنتىماقتاستىق تا ەداۋىر نىعايادى.
سوڭعى جىلدارى قازاقستان-گرەك ديالوگىنىڭ ارنايى تەتىكتەرى كۇشەيدى – ەكونوميكالىق جانە تەحنولوگيالىق ىنتىماقتاستىق بويىنشا ۇكىمەتارالىق كوميسسياسى، سونداي-اق دوستىق پارلامەنتتىك توبى.
ءبىزدىڭ ەلدەرىمىز جەەك پەن ەو اراسىنداعى ايماقارالىق ىنتىماقتاستىقتىڭ جاڭا نىسانىن سىناقتان وتكىزۋدە. استانا مەن افينا ەكونوميكالىق كووپەراسياعا نەگىزدەلىپ، كولىكتىك-لوگيستيكالىق بايلانىستاردى تۇيىندەستىرۋدە ءوزارا ءىس-قيمىلدىڭ ەلەۋلى الەۋەتىنىڭ بار ەكەنىن مويىندايدى.
قازاقستان مەن گرەكيا جاھاندىق ەنەرگەتيكالىق قاۋىپسىزدىكتى قامتاماسىز ەتۋ مەن بالاما ەنەرگيا كوزدەرىن جاپپاي پايدالانۋدى كۇشەيتۋگە داۋىس بەرۋدە. گرەكيانىڭ حالىقارالىق مامانداندىرىلعان «ەكسپو-2017» كورمەسىنە قاتىسۋى مەملەكەتتەرىمىزدىڭ اتالعان باعىتتا ورتاق ۇستانىمعا يە ەكەنىمىزدى كورسەتىپ قانا قويماي، جاسىل ەنەرگەتيكا سالاسىندا كەلەشەگى بار ىنتىماقتاستىعى نەگىزىنىڭ قالانۋىنا جول اشتى.
حالىقارالىق ۇيىمدار شەڭبەرىندە ۇستانىمدارىمىزدىڭ ۇقساستىعىن ەسكەرە وتىرىپ، قازاقستان مەن گرەكيا الەمدىك ارەنادا حالىقارالىق قاتىناستاردىڭ ودان ءارى دەموكراتيزاسيالانۋىن قولداپ، ونى حالىقارالىق-قۇقىقتىق نورمالار مەن ءوزارا قۇرمەتتەۋ قاعيدالارىن كۇشەيتۋ نەگىزىندە تۇراقتىلىقتى كوزدەيتىن ءوزارا ارەكەتتەسۋگە قادامدار جاساۋدا.
سوڭعى جىلدارى ەكى ەلمەن ءبىزدىڭ قارىم-قاتىناستارىمىزدى ساپالى جاڭا دەڭگەيگە كوتەرۋدە قادامدار جاسالىنۋدا. ورتاق ەكىجاقتى ءوزارا ارەكەتتەستىكتى ودان ءارى ءوربىتۋ نيەتتەرىمىزدىڭ بارلىعىن قاناعاتتارلىقپەن اتاپ وتەمىز.
