كارل كرەلي مەن بوبو مەندە گەرمەنيانىڭ شوەنبەرگ ايماعىندا 38 جىل بىرگە تۇرعاننان كەيىن عانا نەكە قيۋعا مۇمكىندىك الدى،- دەپ حابارلايدى Qamshy.kz اقپارات اگەنتتىگى.

گەرمانيا مەملەكەتىندە العاش رەت ءبىر جىنىستى ازاماتتاردىڭ نەكەسىن قيۋعا رۇقسات بەرەتىن زاڭ قابىلدانىپ، ەندىگى ۋاقىتتا گەيلەر مەن لەسبيانبار نەكەسى داعدىلى ەركەك پەن ايەلدىڭ نەكەسى رەتىندە تەڭ دارەجەدە تانىلىپ وتىر.

بۇدان ءۇش اي بۇرىن بەرليندە جانە حامبۋرگتە اتالمىش ماسەلە تالقىلانىپ، پارلامەنتكە داۋىس بەرۋگە ۇسىنىس تاستالعان بولاتىن.

بەرليندەگى شوەنبەرگ ايماعىنىڭ  نەكە تىركەۋشىسى گوردان حوللاند: «ءبىز بۇگىنگى كۇنى ءبىر جىنىستىلاردىڭ نەكەسىنە مۇمكىندىك بەرەتىن سيمۆوليكالىق باستاماعا جول بەردىك»،- دەدى. ونىڭ ايتۋىنشا، ءبىر جىنىستىق نەكە ەڭ الدىمەن شوەنبەرگتە بولعان، سەبەبى، بۇل ايماق بۇرىننان بەرى گەيلەر مەن لەسبيانداردىڭ تۇراقتايتىن جەرىنە اينالعان.

60-قا جۋىق قوناقتار مەن جۋرناليستەر شوەنبەرگتەگى نەكە سارايى «Golden Room» ورتالىعىنا جينالىپ، كارل كرەلي مەن ونىڭ جارى بودو مەندەنىڭ تويىنا جينالدى.

59 جاستاعى كرەلي مىرزا ءوزىنىڭ قوساعى 60 جاستاعى مەندە مىرزامەن گەرمانيادا العاشقى نەكەگە تۇرعانىنا» ماقتان تۇتاتىنىن» ايتتى. ويتكەنى ولار قانشاما جىلدار بويى گەيلەر قۇقىعى ءۇشىن كۇرەسىپ كەلگەن.

تويعا ارنالعان كەمپىرقوساق بەينەلەنگەن تورتتى كەسە وتىرىپ: «نەكە بارلىق ادامعا بىردەي!» دەپ ۇرانداتقان جۇبايلار اپتانىڭ سوڭىندا ۆەناعا 5 كۇندىك بال ايىنا بارادى.