«Mandalay Bay» دەمالىس ورنى مەن لاس ۆەگاس ستريپتەگى كازينو ماڭىندا جەكسەنبى كۇنى تۇندە بولعان جاپپاي وق اتۋ كەزىندە 50 ادام قازا تاۋىپ، 400 ادام جاراقاتتاندى،- دەپ حابارلايدى Qamshy.kz اقپارات اگەنتتىگى.
پوليسيا قىزمەتى وقتىڭ دەمالىس ورنى عيماراتىنىڭ 32 قاباتىنان اتىلعاندىعىن مالىمدەدى. سول ۋاقىتتا مۋزىكا فەستيۆالى قارساڭىندا ءانشى دجەيسون ادلەان ءان سالىپ جاتقان بولاتىن.
جەرگىلىكتى پوليسيا مالىمەتىنە سۇيەنسەك، وق اتقان 64 جاستاعى ستەفان پاددوك بولعان. ول ءولتىرىلدى جانە ونىڭ سىبايلاسى بولۋى مۇمكىن دەگەن ايىپپەن ماريلوۋ دەنلي دەگەن ايەل كۇدىكتى بولىپ وتىر.
قازا بولعانداردىڭ قاتارىندا پوليسيا قىزمەتكەرلەرى دە بار، ءبىراق بارلىق جاپا شەككەندەر تۋرالى جەكە مالىمەتتەر ءالى تولىق بەلگىلى بولعان جوق.
