2017 جىلعى 11 قازاندا سوچي قالاسىندا تمد ەلدەرى باسشىلارىنىڭ كەزەكتى وتىرىسى وتەدى، دەپ جازادى Qamshy.kz اقپارات اگەنتتىگى.
تمد اتقارۋ كوميتەتىنىڭ مالىمەتىنە سۇيەنسەك، وتىرىس بارىسىندا تمد ەلدەرى قىزمەتىنىڭ ەكونوميكالىق، ساياسي، مادەني-گۋمانيتارلىق سالالارىنىڭ الداعى ۋاقىتتاعى دامۋ باعىتتارىن كوزدەيتىن ماسەلەلەر تالقىلانباق.
تاۋەلسىز مەملەكەتتەر دوستاستىعى اياسىندا ىنتىماقتاستىق جايلى پىكىر الماسىپ، تمد ءتوراعالىعى جانە ۇيىمعا مۇشە ەلدەرى باسشىلارى كەڭەسىنىڭ كەلەسى وتىرىسىنىڭ مەرزىمى مەن وتكىزىلەتىن جەرى انىقتالماق.
وتىرىستا ەكونوميكا جانە مادەني-گۋمانيتارلىق باعىتتاردىڭ الداعى دامۋى، قورعانىس ساياساتى، سىرتقى شەكارا قورعانىسى، لاڭكەستىككە قارسى ءىس-قيمىل سىندى ماڭىزدى ماسەلەلەر، سونداي-اق، دوستاستىقتىڭ جاڭا جاعدايلارعا بەيىمدەلۋى سىندى ءبىرقاتار جوبالار دا تالقىلانادى دەپ جوسپارلانۋدا.
