157 مەملەكەت بويىنشا جاسالعان جالاقى رەيتىنگىسى بويىنشا قازاقستان 86 ورىندا تۇر،- دەپ حابارلايدى Qamshy.kz اقپارات اگەنتتىگى.  بۇل رەيتينگ «شكولا ينۆەستورا» سايتىندا جاريالانعان. وسىعان سايكەس ەلىمىزدە ورتا جالاقى مولشەرى 480 دوللاردى قۇرايدى. ءبىر جىل بۇرىن بۇل كورسەتكىش 339 دوللار بولعان.

ەڭ ءبىرىنشى ورىندى شۆەيساريا مەملەكەتى يەلەندى. ونداعى ورتا جالاقى مولشەرى شامامەن 3855 دوللار. ال نورۆەگيا مەن ليۋكسەمبۋرگتە بۇل كورسەتكىش 3781 جانە 3565 دوللار بولىپ وتىر.

ال ەڭ تومەنگى ورىندا زيمبابۆە مەملەكەتى تۇر، ونداعى ورتا جالاقى مولشەرى نەبارى 21 دوللار. ال رەسەي بولسا، بۇل كورسەتكىشتە 69-شى ورىنعا جايعاستى، سەبەبى فەدەراسيادا ورتا جالاقى 615 دوللار.

ق ر ۇلتتىق ەكونوميكا مينيسترلىگى 2016 جىلى «حالىقتىڭ قارجىلىق تابىسى باعانىڭ وسۋىنە ىلەسە الماي قالدى» دەپ مالىمدەگەن بولاتىن. ال وبلىستار بويىنشا ەڭ تومەنگى جالاقىنى وڭتۇستىك قازاقستان جانە جامبىل وبلىستارىنىڭ تۇرعىندارى الادى. وعان قوسا، كۇن كورىس دەڭگەيىنەن دە تومەن جالاقى الاتىن ازاماتتار سانى 2،7 %-عا وسكەن.