سولتۇستىك كورەيا حالقىنىڭ شەتەل ۆاليۋتاسىمەن كۇن كورۋىن توقتاتۋ ءۇشىن جاسالعان سانكسيالارعا بايلانىستى،  جۇمىسشىلار قىتايدىڭ شەكارادا ورنالاسقان داندونگ قالاسىنان كەتۋگە ءماجبۇر،- دەپ حابارلايدى Qamshy.kz اقپارات اگەنتتىگى.  

اقش ۇكىمەتىنىڭ مالىمدەۋىنشە، قىتايدا جانە رەسەيدە جۇمىس ىستەيتىن 100 مىڭعا جۋىق سولتۇستىك كورەيالىق ازاماتتار جىلىنا 500 ميلليون دوللار جالاقى الىپ، پحەنيان رەجيمىن قارجىلاندىرۋعا كومەكتەسەدى.

داندۋن 800 مىڭ تۇرعىنى بار يالۋ وزەنىنىڭ جاعاسىندا ورنالاسقان سولتۇستىك كورەيانىڭ شەكاراسىنداعى قالا. بۇل جەردە كوپتەگەن قوناقۇيلەر مەن مەيرامحانالار بار، بۇل قوعامدىق ورىندارعا سولتۇستىك كورەيالىق مۋزىكانتتار مەن داياشىلاردى جالدايدى.

مىڭداعان سولتۇستىك كورەيالىق ايەلدەر داندونگتاعى قىتايلىق كاسىپكەرلەر يەلەنەتىن زاۋىتتاردا جۇمىس جاسايدى. ولاردىڭ تابىسىنىڭ كوپ بولىگى سولتۇستىك كورەيا ۇكىمەتىنە كەتەدى.

Reuters ءتىلشىسى 50 شاقتى ايەلدىڭ داندونگتاعى كوشى-قون كەزەگىندە تۇرعانىن ايتتى.