لاس-ۆەگاستاعى اتىستان قازا تاپقاندار سانى 58 ادامعا جەتتى. ال جارالانعاندار سانى 515-كە جەتىپ وتىر. بۇل تۋرالى Qamshy.kz اقپارات اگەنتتىگى Associated Press-كە سىلتەمە جاساپ حابارلادى.
ەسكە سالساق، جانتۇرشىگەرلىك وقيعا لاس-ۆەگاستاعى ەڭ ۇلكەن كازينونىڭ ءبىرى ماندالەي بەيدە بولعان ەدى. دەرەكتەر بويىنشا سول جەردە ورنالاسقان «ماندەلەي بەي» قوناق ءۇيىنىڭ 32-قاباتىنان بەلگىسىز بىرەۋ مۋزىكالىق فەستيۆالگە جينالعان قالا قوناقتارى مەن تۇرعىندارعا وق جاۋدىرعان. قاسكويدىڭ 64 جاستاعى ستيۆەن پەددوك ەسىمدى جەرگىلىكتى تۇرعىن ەكەنى انىقتالدى. ءتارتىپ ساقشىلارى دەر كەزىندە ونىڭ كوزىن جويدى. ال ەلىمىزدىڭ سىرتقى ىستەر مينيسترلىگى باسپا ءسوز قىزمەتىنىڭ جەتەكشىسى ءانۋار جايناقوۆ وقىس وقيعادان زارداپ شەككەندەر اراسىندا قازاقستان ازاماتتارى جوق ەكەنىن حابارلادى.
