نيۋ يورك بيلىك كوپىر جارىلىس تادەۋش كوستيۋشكو نيۋ-يورك بيلىگى  برۋكلين مەن كۋينس اراسىن جالعاپ تۇرعان ەسكى كوپىردى جارىپ جىبەردى. تادەۋش كوستيۋشكو اتىنداعى بۇل ستراتەگيالىق نىسان  حالىققا  77 جىل قىزمەت ەتكەن، دەپ جازادى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ.

ەندى ونىڭ جانىنان جاڭا كوپىر بوي كوتەرەدى. بۇل جەرگىلىكتى بيلىكتىڭ ەسكى نىسانداردى جاڭالاۋ جوباسى بويىنشا ىسكە استى. قۇرىلىستىڭ جالپى قۇنى 873 ميلليون دوللاردى قۇرايدى. ال جاڭاشىلدىقتى ايشىقتايتىن نىسان 2019 جىلى سالىنىپ ءبىتۋى ءتيىس. جوسپار بويىنشا ەندى برۋكلين مەن كۋينس اراسىنداعى كوپىردىڭ ءبىر باعىتىندا 5 جولاق بولادى. سونىمەن قاتار مانحەتتەننىڭ اسەم كورىنىسىن تاماشالايمىن دەگەندەرگە جاياۋ جۇرگىنشىلەر جولى دا قاراستىرىلعان. تادەۋش كوستيۋشكو اتىن ساقتاپ قالاتىن كوپىر تاۋلىگىنە 200 مىڭ اۆتوكولىكتى وتكىزەدى دەپ جوسپارلانىپ وتىر. ال ەسكىسى تەك 10 مىڭمەن شەكتەلەتىن ەدى.