دايش تەررورلىق ۇيىمى نەمەسە «يسلام مەملەكەتى» (قازاقستان، رەسەي جانە باسقا دا مەملەكەتتەردە تىيىم سالىنعان) 1 قازاندا بولعان لاس-ۆەگاستاعى وقيعاعا بايلانىستى پىكىرىن ءبىلدىردى،- دەپ حاباردايدى Qamshy.kz اقپارات اگەنتتىگى. بۇل تۋرالى Lenta.ru سايتى باقىلاۋدا ۇستالاتىن «اماك» اقپاراتتىق اگەنتتىگىنە سۇيەنە وتىرىپ مالىمەت بەرگەن ەدى.

دايش جاۋىنگەرلەرى كەشەگى جاپپاي اتىستى جۇزەگە اسىرعان ستيۆەن پەددوكتىڭ جاۋىنگەرلىك لاقاپ اتى ابۋ ابد ال-بارر ول «حاليفاتتىڭ اسكەرى» جانە «دايش تاپسىرماسىن ورىنداۋشى» دەگەن حابار تاراتتى. ابۋ باكرا ال-باگدادي «كرەستكە تابىنۋشىلارعا» وق اتتى. تەرروريستەردىڭ ايتۋىنشا، كەشەگى وقيعادا 600-گە جۋىق ادامنىڭ ءبىرشاماسى ءولتىرىلىپ، كوبى جاراقاتتاندى. بۇل مالىمەت جاقىن باتىستا شوعىرلانعان تەرروريستەردىڭ «Directorate» 4 Telegram-كانالىندا جاريالاندى. وعان قوسا، «اماكتىڭ» ايتۋىنشا، بۇدان بىرەر اي بۇرىن پەددوك يسلام ءدىنىن قابىلداعان. بۇل تەراكت دايش-قا قارسىلىق جاساپ وتىرعان مەملەكەتتەردەن كەك قايتارۋ ماقساتىنداعى جاۋاپ بولىپ وتىر.

الايدا اقش-تىڭ فەدەرالدى تەرگەۋ بيۋروسى لاس-ۆەگاستاعى قايعىلى وقيعانىڭ دايش-پەن ەش قاتىسى جوق دەپ وتىر. ولاردىڭ ايتۋىنشا تەرگەۋ ءالى جالعاسۋدا. ال ورتالىق بارلاۋ باسقارماسى دايش-تىڭ مالىمدەمەسىن نەگىزگە الۋدى ەسكەرتىپ، ءالى ەشقانداي اسىعىس مالىمدەمە جاساماۋدى سۇرادى.

وسى ۋاقىت ارالىعىندا باتىستىڭ ب ا ق قۇرالدارى پەددوكتىڭ ءومىر بايانىن زەرتتەپ، ونىڭ ەڭ ءقاۋىپتى بانك تونۋشىسىنىڭ ۇلى ەكەندىگىن ايقىندادى. Washington Post –تىڭ حابارلاۋىنشا ستيۆەننىڭ اكەسى بەندجامين حوسكينس پەددوك 1969 جىلى فەدەرالدى تەرگەۋ بيۋروسى ىزدەۋ سالعان قىلمىسكەر. ول ءوزىنىڭ 20 جىلىن تۇرمەدە وتكىزگەن. بەندجاميندى «پسيحيكالىق اۋىتقۋلارى» بار، سۋيسيدكە بارا الاتىن قىلمىسكەر دەپ تانىعان.