الماتىدا جالدامالى پاتەردە توڭازىتقىش ىشىنەن ەكى ەگىز بالانىڭ ءمايىتى  تابىلعان بولاتىن. وسى ەكى ەگىز بالانىڭ تۋعان باۋىرى 3 جاستاعى راۆيل ەسىمدى ءبۇلدىرشىن الماتى كوشەلەرىنەن تابىلعان. ونى 3 تاۋلىك بويى دالا كەزىپ جۇرگەن جەرىنەن تاۋىپ العان. قازىرگى ۋاقىتتا بالا ينفەكسيالىق اۋرۋحانادا جاتىر دەپ جازادى Qamshy.kz اقپارات اگەنتتىگى الماتى ارناسى-نا سىلتەمە جاساپ.

ايتا كەتەيىك، 29 جاستاعى ەميل گيلمۋتدينوۆ پەن 34 جاستاعى اللا ۆولچەنكو وزدەرىنىڭ ەگىز بالالارىن ءولتىردى دەپ ايىپتالعان بولاتىن. وزبەكستاننان بالالاردىڭ ءمايىتىن الىپ كەتۋىگە كەلگەن بالالاردىڭ اتالارى ۇلكەن نەمەرەسىمەن جولىقپاعان. وسىعان بايلانىستى ونى بالالار ۇيىنە بەرۋى مۇمكىن.

مارقۇم بالالاردىڭ اعاسىنا سالمونەللەز دياگنوزى قويىلعان. قازىرگى ۋاقىتتا ول ەم-دوم قابىلداپ جاتىر، جاعدايى جامان ەمەس.

مىنا سۇيرەتتە ەكى ەگىز بالا مەن ولاردىڭ ۇلكەن باۋىرلارى راۆيل.