مۇحتار اۋەزوۆ اتىنداعى تەاتردا بەلگىلى مەملەكەتتىك جانە قوعام قايراتكەرى ۇزاقباي قارامانوۆتىڭ ساپارعا شىعارىپ سالۋ ءراسىمى ءوتتى. ونىمەن قوشتاسۋعا ۇكىمەت مۇشەلەرى، پارلامەنت دەپۋتاتتارى، قوعام قايراتكەرلەرى، تۋىستارى، دوستارى مەن جاقىندارى كەلدى. قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ كوڭىل ايتۋ جەدەلحاتىن الماتى قالاسىنىڭ اكىمى باۋىرجان بايبەك وقىدى.

جەدەلحاتتا قازاقستان پرەزيدەنتىنىڭ كورنەكتى مەملەكەت جانە قوعام قايراتكەرى ۇزاقباي قارامانوۆتىڭ دۇنيەدەن وتكەنى تۋرالى حاباردى زور كۇيزەلىسپەن قابىلداعانى ايتىلعان.

«ۇزاقباي قارامان ۇلى بۇكىل عۇمىرىن حالقى مەن تۋعان ەلىنىڭ وسىپ-وركەندەۋىنە ارنادى. ول ءوزىنىڭ زور ۇيىمداستىرۋشىلىق قابىلەتى مەن قوعامداعى بەدەلىنىڭ ارقاسىندا كوپتەگەن جوعارى لاۋازىمدى مەملەكەتتىك قىزمەتتە بولىپ، وزىنە جۇكتەلگەن مىندەتتەردىڭ بارلىعىن ابىرويمەن اتقارا ءبىلدى»، – دەلىنگەن جەدەلحاتتا.

مەملەكەت باسشىسى قازاقستاندىقتار ونىڭ ەسىمى مەن ەل الدىنداعى ەڭبەگىن ءاردايىم ەستە ساقتايتىنىن اتاپ ءوتتى.

ق ر پرەمەر-مينيسترى باقىتجان ساعىنتايەۆتىڭ جەدەلحاتىڭ ينۆەستيسيالار جانە دامۋ ءمينيسترى جەڭىس قاسىمبەك وقىپ بەردى.

«ۇزاقباي قارامان ۇلىنىڭ وتباسىنا كوڭىل بىلدىرەمىن، تالانتتى مەملەكەتتىك جانە قوعامدىق قايراتكەر بولا وتىرىپ، ول قازاقستاننىڭ كوركەيۋىنە ءوزىنىڭ ءبىلىمى مەن باي تاجىريبەسىن قولدانعان. ونىڭ جارقىن بەينەسى ءارقاشان ەلدىڭ ەسىندە قالادى» - جەدەلحاتتا ايتىلعان.

«بۇگىن اكىمىزبەن قوشتاسىپ جاتىرمىز. بارشا قازاقستاندىقتارعا كوڭىل بولگەدەرىڭىزگە كوپ راحمەت. بارلىق جەردە ونى ءبىلىپ، كوبىسى ونىمەن جۇمىس ىستەپ، ايرىقشا سەنىم ءبىلدىردى. ول بارلىعىن قولداپ، جاقسىلىق جاساعان. ادامدار ول كورسەتكەن كوڭىل مەن قامقورلىقتى ەستەرىنە الىپ، ونىڭ قاسىنا كەلدى. وسى قاسيەتتەرىنە قاراپ، پرەزيدەنت ونى پرەمەر-مينيستر ەتىپ تاڭدادى، اكەم قىزمەتىندە سەنىمدى، شىمتەزەك ادام بولدى. اتاپ ايتارلىق، ءبىرىنشى بولىپ كوڭىل ايتۋ قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتان تۇسكەنى ماڭىز»، - دەيدى كورنەكتى مەملەكەتتىك جانە قوعام قايراتكەرىنىڭ ۇلى نۇرلان قارامانوۆ.

ءوز كەزەگىندە، مەملەكەت قايراتكەرى اسقار قۇلىبايەۆ، ءماجىلىس دەپۋتاتى باقتىقوجا ىزمۇحامبەتوۆ، قىزىلوردا وبلىسىنىڭ اكىمى قىرىمبەك كوشەربايەۆ جانە تاعى باسقالارى، ۇزاقباي كارامانوۆتىڭ ۇلكەن جۇرەكتى ادام بولعاندىعىن، بۇكىل ءومىرىن قازاقستاننىڭ يگىلىگى ءۇشىن ارناعاندىعىن اتاپ ءوتتى.

ۇزاقباي قارامانوۆ 2017 جىلى 25 قىركۇيەكتە 80 جاسىندا قايتىس بولدى. ەڭبەك جولىن اقتوبە وبلىسىنداعى شۇبار-كۋدۋن اۆتوسالونىنىڭ باستىعى بولىپ باستادى. ءار جىلدارى «الماتورپرومستروي» ترەسىنىڭ قۇرىلىس ماتەريالدارى مەن قۇرىلىس جۇمىستارىنىڭ ديرەكتورى بولىپ جۇمىس ىستەدى. سودان كەيىن قازاق كسر مينيسترلىكتەرىندە ءبىرقاتار لاۋازىمداردا بولدى. 1987 جىلى ءقازسسر-نىڭ گوسسناب ءتوراعاسى، 1989 جىلى قازكسر مينيسترلەر كەڭەسىنىڭ ءتوراعاسى، ال 1990 جىلى - قازكسر-نىڭ پرەمەر-مينيسترى بولعان. تاۋەلسىزدىك جىلدارىندا ارال تەڭىزىن ساقتاۋ جونىندەگى حالىقارالىق قوردىڭ پرەزيدەنتى جانە ءماجىلىس دەپۋتاتى بولدى. قارامانوۆ «كەنساي» زيراتىندا جەرلەنگەن.