الماتىدا قالا كۇنى اياسىندا جىل سايىن 200 مىڭنان اساتىن قالا تۇرعىندارى مەن قوناقتارى جينالاتىن «AlmaFest – 2017» ءداستۇرلى الما فەستيۆالى وتۋدە. فەستيۆال بارىسىندا «الماتى قالاسىنىڭ قۇرمەتتى ازاماتى» اتاعىمەن ماراپتتاۋ سالتاناتى ءوتتى.
الماتى اكىمى باۋىرجان بايبەك الماتىنىڭ مادەني، عىلىم- ءبىلىم، سپورت، قارجى جانە ىسكەرلىك ورتالىق ەكەنىن اتاپ ءوتتى. وسىنىڭ بارلىعى مەگاپوليستى ءومىر سۇرۋگە، جۇمىس ىستەۋگە، دەمالۋعا جايلى مەكەن ەتۋدە.
«الماتىدا تۋعان، وسىپ-ونگەن جانە وسىندا تۇراتىن ازاماتتار ءۇشىن بۇل تەك جانعا جايلى قالا عانا ەمەس. بۇل - تۋعان ولكە، قاشان دا جۇرەگىڭنىڭ تورىنەن ەرەكشە ورىن الاتىن قاسيەتتى مەكەن. ەلباسى نۇرسۇلتان ءابىش ۇلى نازاربايەۆ «بولاشاققا باعدار: رۋحاني جاڭعىرۋ» اتتى ماقالاسىندا «پاتريوتيزم تۋعان جەرىڭە دەگەن سۇيىسپەنشىلىكتەن باستالادى» - دەپ اتاپ وتكەن بولاتىن. ەل تاۋەلسىزدىگى دە شارتاراپقا الماتىدان جاريالاندى، اتا زاڭىمىز، مەملەكەتتىك رامىزدەرىمىز بەن ۇلتتىق ۆاليۋتامىز ءبىزدىڭ قالامىزدا بەكىتىلدى. الماتى ماڭگىگە تاۋەلسىزدىگىمىزدىڭ التىن بەسىگى بولىپ قالا بەرمەك. مەگاپوليستە بيزنەس قارقىندى دامىپ، شاھار ەكونوميكاسى 100 ەسە ارتتى. مىڭداعان جۇمىس ورىندارى اشىلدى. ەلباسى ايتقانداي، «الماتى – ورتالىق ازيانىڭ ءىنجۋ-مارجانى»، - دەپ اتاپ ءوتتى باۋىرجان بايبەك.
سالتاناتتى شارا شەڭبەرىندە «الماتى قالاسىنىڭ قۇرمەتتى ازاماتى» اتاعىنا قازاقستاننىڭ مەملەكەتتىك ساياسي قايراتكەرى، ەلشى، ەكونوميكا عىلىمدارىنىڭ دوكتورى، ەلىمىزدىڭ ۆولەيبول فەدەراسياسىنىڭ پرەزيدەنتى ابىقايەۆ نۇرتاي ابىقاي ۇلى، قازاق سسر مينيستەرلەر كەڭەسى ءتوراعاسىنىڭ بۇرىنعى ورىنباسارى جانىبەكوۆ شاڭگەرەي جانىبەك ۇلى، ستالينگراد شايقاسىنا قاتىسۋشى، وتستاۆكاداعى پولكوۆنيك، اقىن، تابيعاتتى ساقتاۋ قوعامىنىڭ الماتى كەڭەسىنىڭ ءتوراعاسى گيرش لەونيد يۋزەفوۆيچ يە بولدى.
«الماFest-2017» — مەگاپويستە وسىمەن التىنشى رەت ءوتىپ جاتقان اۋقىمدى مادەني- كوڭىلدى شارا. ساياباق اۋماعىندا ءتۇرلى بەلسەندىلىك ايماقتارى: «الما ART»، «الما BAZAR»، «الما وتباسى»، «الما MASTER»، «الما AUEN»، «الما FASHION» ي «الما DRIVE» جۇمىس ىستەۋدە، مۇندا اشىق اسپان استىندا دەگۋستاسيا جانە 100 توننادان اساتىن المالاردى ساتۋ، سپورتتىق، كوركەمدىك الاڭدار، شەبەرلىك سىنىپتارى، بالالار مەن وتباسىلار ءۇشىن ويىندار ۇيىمداستىرىلعان. قولونەرشىلەردىڭ كورمە اۋماعىنان ءتۇرلى زەرگەرلىك بۇيىمدار مەن اكسەسسۋارلاردى، فۋرنيتۋرالاردى الۋعا بولادى. ايتا كەتەرلىگى، الماتى وبلىسىنىڭ ءتورت اۋدانىنان المانىڭ 20-دان اساتىن سورتتارى اكەلىنگەن جانە ولاردى بازاردىڭ ورتا باعاسىنان 20%-عا تومەن الۋعا بولادى.
قالا كۇنى اياسىندا «الماتى ارەنادا» ساعات 17:00-دە ەۆرازيالىق «ەما-2017» مۋزىكا سىيلىعى وتەدى، مۇندا وتاندىق جانە شەتەلدىك ەسترادا جۇلدىزدارى قايرات نۇرتاس، كەنتال، كەشيۋ، دياس ابلايەۆ، لۋينا، ادەمى، دينارا سۇلتان، زيرۋزا، الىشەر كاريموۆ، راحات لۋكۋم، رينگو جانە باسقالارى ءان شىرقايدى. فەستيۆال حەدلاينەرى سوسو پاۆلياشۆيلي مەن «Ninetty one» توبى.
قالا كۇنى مەرەكەسى «استانا» الاڭىندا ساعات 21.00-دە اياقتالادى، مۇندا مەرەكەلىك وتشاشۋ بولادى.
ايتا كەتەرلىگى، مەگاپوليستە قالا كۇنى مەرەكەسى اياسىندا حالىقارالىق «Star of Asia»، «كوك-توبە وپەرا» فەستيۆالدەرى، كوپمىڭدىق Open Air «Gakku داۋسى» جانە باسقالارى ءوتتى. قالا كۇنىنە جۇرگىنشىگە باسىمدىق بەرەتىن پانفيلوۆ، جىبەك جولى، گوگول، قابانباي باتىر كوشەلەرى قايتا جاسالدى. بۇرىندارى قايتا جاڭارعان «استانا» الاڭى،ناۋرىزباي اۋدانىنىڭ جاڭا اكىمشىلىك- ىسكەرلىك ورتالىعى،قالانىڭ «Open Almaty» قوعامدىق قابىلداۋ ورتالىعى جانە باسقالارى اشىلعان ەدى.
