2017 جىلعى 20 قازاندا الماتى قالاسىندا قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا (بۇدان ءارى - ۇلتتىق كوميسسيا) الماتى قالاسىنىڭ اكىمدىگىمەن جانە «اكەلەر وداعى» قوعامدىق بىرلەستىگىمەن بىرلەسىپ II رەسپۋبليكالىق اكەلەر فورۋمىن (بۇدان ءارى - فورۋم) وتكىزدى،- دەپ حابارلايدى Qamshy.kz اقپارات اگەنتتىگى. 

فورۋمدا وتباسى ينستيتۋتىن جانە وتباسىلىق تاربيەدەگى اكەنىڭ ءرولىن نىعايتۋ، «رۋحاني جاڭعىرۋ» قوعامدىق سانانى جاڭعىرتۋ اياسىندا بالالاردىڭ پاتريوتتىق سەزىمىن قالىپتاستىرۋعا، بىلىمگە ۇمتىلىستى وسىرۋگە قوعامنىڭ نازارىن اۋدارۋ ماسەلەلەرى تالقىلاندى.

فورۋمنىڭ جۇمىسىنا پارلامەنت دەپۋتاتتارى، ۇلتتىق كوميسسيا مۇشەلەرى، ورتالىق مەملەكەتتىك جانە جەرگىلىكتى اتقارۋشى ورگانداردىڭ باسشىلارى، قوعامدىق قايراتكەرلەر، ۇكىمەتتىك ەمەس ۇيىمداردىڭ وكىلدەرى، سونىمەن قاتار ۇلگىلى اكەلەر – بارلىق وڭىردەن كەلگەن دەلەگاتتار قاتىستى.

فورۋمنىڭ اشىلۋىندا ۇلتتىق كوميسسيا ءتورايىمىنىڭ ورىنباسارى، ق ر ورتالىق سايلاۋ كوميسسياسىنىڭ مۇشەسى لياززات سۇلەيمەن، ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ ارقاسىندا قوعامنىڭ رۋحاني-ادامگەرشىلىك تۇرلەنۋىنىڭ نەگىزگى باعدارلارى انىقتالعاندىعىن اتاپ ءوتتى. جاقىندا وتكەن تمد جانە جەەو ەلدەرى باسشىلارى كەڭەسىنىڭ وتىرىسىندا وتباسى ينستيتۋتىن جانە ءداستۇرلى وتباسىلىق قۇندىلىقتاردى قولداۋ تۋرالى بىرىككەن مالىمدەمەنىڭ قابىلدانعاندىعى تەكتەن تەك ەمەس ەكەنىن اتاپ ءوتتى.

قازاقستاندىقتاردىڭ وتباسىلىق داستۇرلەرگە بەيىمدىلىگى قوعامدا جوعارى مورالدىق قۇندىلىقتاردى جانە رۋحانياتتى ساقتاۋعا ىقپال ەتەدى، بۇل جاھاندىق سىن-قاتەرلەرگە قارسى تۇرۋعا مۇمكىندىك بەرەدى.

قازىرگى ۋاقىتتا ق ر پرەزيدەنتىنىڭ جارلىعىمەن (2016 جىلعى 6 جەلتوقسانداعى №384) قابىلدانعان قازاقستان رەسپۋبليكاسىندا 2030 جىلعا دەيىنگى وتباسىلىق جانە گەندەرلىك ساياساتتىڭ تۇجىرىمداماسىنىڭ ءبىرىنشى كەزەڭى ىسكە اسىرىلۋدا. تۇجىرىمدامادا بالانىڭ تاربيەسىندەگى قوس اتا-انانىڭ جاۋاپكەرشىلىگىن ارتتىرۋ، سونىڭ ىشىندە جاۋاپتى اكەلىك ينستيتۋتىن دامىتۋ جانە ۇلگىلى اكەلەردى ناسيحاتتاۋ ماسەلەسى العا قويىلعان.

قازاقستاندا 70 بەلسەندى اكەلەردىڭ كۇشىمەن «اكەلەر وداعى» قوعامدىق بىرلەستىگى قۇرىلدى، ول وتباسىن نىعايتۋ بويىنشا تاجىريبەلىك شارالاردى ىسكە اسىرادى. 8 ايماقتا وكىلدىكتەرى قۇرىلدى، سونىڭ ىشىندە بۇگىنگى كۇنى استانا، الماتى قالالارىندا، قاراعاندى جانە ماڭعىستاۋ وبلىستارىنداعى وكىلدىكتەر بەلسەندى بولىپ تابىلادى، ولار اكەلىك ينستيتۋتتى ناسيحاتتاۋمەن قاتار وڭىرلەردە كەيبىر جاۋاپسىز اكەلەردىڭ اليمەنت تولەمەۋى، از قامتىلعان وتباسىلارعا مەكەنجايلىق كومەك كورسەتۋ جانە ت.ب. سياقتى الەۋمەتتىك ماسەلەلەردى شەشەدى. اكەلەر وداعىنىڭ وكىلدەرىن ورتالىق مەملەكەتتىك جانە جەرگىلىكتى اتقارۋشى ورگاندارىنىڭ جانىنداعى ءارتۇرلى ساراپتامالىق جۇمىس توپتارىنا تارتۋ ىسكە قوسىلدى.

فورۋم اياسىندا قاتىسۋشىلار «رەسەي فەدەراسياسىنىڭ اكەلەر وداعى» ايماقارالىق قوعامدىق ۇيىمىنىڭ اتقارۋشى ديرەكتورى يۋريي سولەنوۆتىڭ ۇسىنعان جۇمىس تاجىريبەسىمەن تانىستى.

ءىس-شارانىڭ سوڭىندا ۇزدىك ۇلگىلى اكەلەرگە ۇلتتىق كوميسسيانىڭ اتىنان العىس حاتتار تابىس ەتىلدى. كۇننىڭ ەكىنشى جارتىسىندا دوڭگەلەك ۇستەل ۇيىمداستىرىلدى، وندا فورۋمعا قاتىسۋشىلار بالالار مەن جاستاردىڭ تاربيەسىنە اكەنىڭ قاتىسۋ ماسەلەلەرى، سونداي-اق قازاقستاندا اكەلەر ينستيتۋتىن دامىتۋ  جولدارى تالقىلاندى.

ودان ءارى ۇلتتىق كوميسسيا مۇشەلەرى وسى جىلعى شىلدە ايىندا اشىلعان تۇرمىستىق زورلىق-زومبىلىق قۇرباندارىنا ارنالعان داعدارىس ورتالىعىنا بارىپ، ونىڭ جۇمىسىمەن تانىستى. بۇل وتباسىلىق-تۇرمىستىق تۇرعىدا زارداپ شەككەن ايەلدەرگە قاجەتتى الەۋمەتتىك قىزمەتتەر كورسەتەتىن ەلىمىزدەگى وتىزىنشى داعدارىس ورتالىعى بولىپ تابىلادى.