كەنيادا حريستيان سەنىمىندەگى چارلز وكۆاني مۇسىلمان بولدى، — دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ. بۇل كەنيادا ۇلكەن رەزوناناس تۋدىردى.
چارلز وكۆاني وسىدان ءبىراز ۋاقىت بۇرىن شىركەۋدە قىزمەت ەتكەن. ونىڭ ايتۋى بويىنشا، شىركەۋگە قۇلشىلىق جاساۋعا كەلگەن ايەلدەردىڭ اشىق-شاشىق، قىسقا بەلدەمشە كيىپ كەلگەنى ۇناماعاندىقتان، ول يسلام ءدىنىن قابىلداعان.
چارلزگە يسلام دىنىندەگى قاتال ءتارتىپ پەن پارىزدار ۇناعان. ونىڭ يسلامدى قابىلداۋىنا دىندەگى ءتارتىپ پەن قاعيدالار دا اسەر ەتكەن. ول الداعى ۋاقىتتا دا ءوز سەنىمىن وزگەرتپەۋگە بەل بۋىپ وتىر. سونىمەن بىرگە ول كوپتەگەن ەلدەرگە بارىپ، جەرگىلىكتى تۇرعىندارمەن كوپ ارالاسقان، الايدا ۇنەمى وزىنە بىردەڭە جەتپەي تۇرعانداي بولاتىن. يسلام ءدىنىن قابىلداعاننان بەرى جۇرەگى تىنىشتالىپ قالعانىن ايتادى. وعان مۇسىلماندىق ورتا قاتتى ۇناعان. سول سەبەپتى دە ءدىني سەنىمىن وزگەرتپەۋگە نىق بەكىنگەن.
65 جاستاعى كەنيالىق ءوزىنىڭ ەسىمىن يسمايل دەپ وزگەرتىپ، ءوز شىركەۋىن مەشىتكە اينالدىرعان.
«مەنىڭ شىركەۋىم يسلامدى قابىلداماس بۇرىن شىعىس افريكاداعى نيۋلگوسيگە حرام رەتىندە تانىمال بولسا، قازىرگى كەزدە نيالگوسيدەگى جاماعاتقا ارنالعان مەشىت رەتىندە تانىمال بولدى»، — دەيدى يسمايل.
