وتكەن اپتادا الماتىداعى جامبىل اتىنداعى فيلارمونيادا قىتايدان كەلگەن قانداستىرىمىزدىڭ «ەلگە سالەم» اتتى كونسەرتى ءوتتى. تەك شەكارانىڭ ارعى بەتىندەگى انشىلەر عانا ەمەس، ەلىمىزدىڭ ونەر جۇلدىزدارى قاتىسقان دۋماندى كەشتى جۇرت جىلى قابىلدادى. مىڭ ادامعا جۋىق زالدا ينە شانشار ورىن بولعان جوق.
ارعى بەت پەن بەرگى بەتتى اۋەنمەن جالعاعان بۇل كەشتى شىڭجاڭ ولكەسىنە اسا تانىمال «جاڭا اۋەن» كونسەرتتىك كومپانياسىنىڭ ديرەكتورى ەربوسىن نۇرمۇقان ۇلى ۇيىمداستىردى(http://qamshy.kz/؟p=15994).
نازارلارىڭىزعا اتالعان كونسەرتتەن شاعىن بەينەكورىنىس پەن قىتايداعى 1،5 ميلليون قانداسىمىزدىڭ كوز قۋانىشىنا اينالعان ەسترادا جۇلدىزدارى احمەتجان رابجان جانە «دوس» توبىنىڭ مۇشەسى باقىتكەلدى مۇقاش ۇلىنىڭ سۇحباتىن ۇسىنامىز. احمەتجان مەن باقىتكەلدىنىڭ قاراپايىم ورتادا قارا دومبىرا مەن سىرلى گيتارادا قالاي ءان شىرقاعانىن تىڭداعىڭىز كەلسە بەينەسۇحباتقا قاراڭىز.
http://youtu.be/T5eLHXfk1Gc http://youtu.be/n-hFXPKBWVA http://youtu.be/ZvYqi_dn2Z8
