جامبىل وبلىسىندا ەكى اۋىل تۇرعىندارى اتىسىپ. ءبىر ادام قازا تاپتى، جەتى ادام جارالاندى دەپ حابارلادى وبلىستىق ىشكى ىستەر دەپارتامەنتىنە (ءىىد) سىلتەمە جاساعان جەرگىلىكتى اگەنتتىكتەر دەپ جازادى Qamshy.kz اقپارات اگەنتتىگى ازاتتىققا سىلتەمە جاساپ.
ءىىد اقپاراتىنا قاراعاندا، وقيعا 6 قاراشا كۇنى تۇندە جامبىل اۋدانىنىڭ قۇمتيىن جانە اسا اۋىلدارىنىڭ تۇرعىندارى اراسىندا بولعان. سول كۇنى كەشكە اسادان قۇمتيىنعا بارا جاتقان كولىكتەگى ەكى جولاۋشى جانجالداسىپ قالىپ، ونىڭ سوڭى تۇنگە قاراي ەكى اۋىلدىڭ ءبىر توپ تۇرعىنى اراسىندا اتىسقا ۇلاسقان.
اتىستا تەگىس ۇڭعىلى بىتىرا مىلتىعىنان وق اتىلعان. اتىس سالدارىنان قاماكەمەر اۋىلىنىڭ 30 جاستاعى تۇرعىنى، ەر ادام وققا ۇشىپ، جارالانعان جەتى ادام اۋداندىق اۋرۋحاناعا قارالعان.
بۇل وقيعا بويىنشا قىلمىستىق كودەكستىڭ "كىسى ءولىمى" بابىمەن ءىس قوزعالىپ، سوت-مەديسينالىق ساراپتاما تاعايىندالعان.
پىكىر قالدىرۋ