وڭتۇستىك قازاقستان وبلىسىندا پوليسەيلەر 13 جىل بۇرىنعى كىسى ءولىمىن اشتى، - دەپ حابارلايدى Zakon.kz وبلىستىڭ ءىىد باسپا ءسوز قىزمەتىنە سىلتەمە جاساپ.
شاردارا اۋداندىق ىشكى ىستەر ءبولىمىنىڭ جەدەل قىزمەتكەرلەرى جەرگىلىكتى تۇرعىندى ءولتىرىپ، ىزدەۋدە جۇرگەن 36 جاستاعى وزبەكستان ازاماتىن ۇستادى. 2004 جىلى شاردارا اۋداندىق ىشكى ىستەر بولىمىنە جەرگىلىكتى تۇرعىنداردان شاردارا وزەنىنىڭ ماڭىنداعى 50 كم جەردە قامىس اراسىندا بەلگىسىز ازاماتتىڭ ازاپتاپ ولتىرىلگەن ءمايىتى تابىلعانى تۋرالى حابار كەلىپ تۇسكەن.
پوليسەيلەر تەكسەرۋ بارىسىندا جابىرلەنۋشىنىڭ كىم ەكەنىن انىقتادى. مەحانيكالىق اسفيكسيا ناتيجەسىندە قايتىس بولعان ماقتارال اۋدانىنىڭ 1961 جىلى تۋعان تۇرعىنى ەكەن. اتالعان جايت نەگىزىندە «كىسى ءولىمى» بويىنشا قىلمىستىق ءىس قوزعالدى.
كۇدىكتىلەردى انىقتاۋ بارىسىندا پوليسيادا قىلمىستىق ءىس قوزعالىپ، ىشكى ىستەر ورگاندارى قۇرىلىمدارىنا جانە قازاقستان رەسپۋبليكاسىنان تىس جەرلەرگە ىزدەۋ جاريالاندى. ارادا 13 جىل وتكەن سوڭ شاردارا اۋداندىق ىشكى ىستەر ءبولىمىنىڭ پوليسەيلەرى كىسى ولىمىنە قاتىستى كۇدىكتىنىڭ وزبەكستان رەسپۋبليكاسىندا جاسىرىنىپ ءجۇرۋى مۇمكىن ەكەنىن انىقتادى. كورشى مەملەكەتكە ارنايى جەدەل-تەرگەۋ توبى جىبەرىلىپ، جەدەل-ىزدەستىرۋ ءىس-شارالارىنىڭ بارىسىندا كۇدىكتى رەتىندە 1981 جىلى تۋعان وزبەكستان ازاماتىن ۇستادى. قازىرگى تاڭدا مينسك كونۆەنسياسىنا سايكەس قىلمىستىق ءىس پروسەسسۋالدى شەشىم قابىلداۋ ءۇشىن وزبەكستان رەسپۋبليكاسىنا جىبەرىلدى، - دەلىنگەن حابارلامادا.
