تاحيرا بەگۋم ۇنەمى تاڭەرتەڭگىسىن اۋرۋ اتا-اناسى مەن 4 باۋىرىنىڭ تۇرمىستىق قاجەتتىلىگىن وتەۋ ءۇشىن بىرنەشە شاقىرىم ءجۇرىپ، وتىن جيناپ، وت جاعادى، — دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ. ول بانگلادەش پەن ميانما شەكاراسىندا ورنالاسقان ارنايى بوسقىندارعا ارنالعان لاگەردە تۇرادى.  ال ارقاسىنا جينالعان اۋىر وتىنمەن قايتادان ۇيگە كەلۋ قيىننىڭ قيىنى. بۇل 10 جاستاعى روحيندجالىق مۇسىلمان قىز ءۇشىن ەڭ اۋىر سىناق.

«اۋرۋ اتا-انام تاڭەرتەڭ وتىن جيناي المايدى، ال باۋىرلارىم ءالى كىشكەنتاي. سول سەبەپتى بۇل جۇمىستاردى ءوزىم جاساۋعا تۋرا كەلەدى. اتا-انام مەنىڭ كومەگىمسىز ءتىپتى ءجۇرىپ-تۇرا المايدى»، — دەپ ءوز ءومىرى تۋرالى ايتىپ بەردى.

تاحيرا كۇندە وتىننىڭ ارتىلىپ قالعانىن ارنايى بازاردا ساتىپ، اقشا تابادى. سونىمەن بىرگە ول لاگەردەگى جالعىز قۇدىقتان ۇيىنە سۋ تاسيدى.

كەيدە تاحيرانىڭ ءسىڭلىسى اپكەسىن كوندىرىپ بالالارعا ارنالعان الاڭعا بارادى. بۇل الاڭدى يۋنيسەف قارجىلاندىرىپ وتىر. ارنايى بالالارعا ارنالعان الاڭدا بالالار كىتاپ وقىپ، سۋرەت سالىپ، ويىن وينايدى. ءبىراق 10 جاستاعى تاحيرا  وزىنە ارتىلعان ۇلكەن جاۋاپكەرشىلىكتى سەزىنىپ، بۇل الاڭدا كوپ وتىرمايدى. الايدا ول سۋرەتتەرى بار كىتاپتاردى قاراعاندى جاقسى كورەدى.

ايتا كەتەتىن بولساق، بۇۇ-نىڭ رەسمي مالىمەتى بويىنشا، بوسقىندارعا ارنالعان لاگەردەگى بالالاردىڭ 7،5 %-ى ءولىم اۋزىندا جاتىر.