قازاقستان پرەزيدەنتى نۇرسۇلتان نازاربايەۆ ەلىمىزدە تاعى ءبىر مۇناي وڭدەۋ زاۋىتىن سالۋ قاجەتتىلىگى تۋرالى ايتتى، - دەپ حابارلايدى تengrinews.kz ءتىلشىسى.

استانادا يندۋستريالاندىرۋ كۇنىنە ارنالعان جالپىۇلتتىق تەلەكوپىر بارىسىندا 15 جوبانىڭ تۇساۋى كەسىلدى. اتىراۋ وبلىسىنداعى حوش ءيىستى كومىرسۋتەكتەر وندىرەتىن كەشەندى ىسكە قوسۋ بارىسىندا مەملەكەت باسشىسى: "داعدارىس كەزەڭىندە، مۇناي مەن گاز باعاسىنىڭ تومەندەۋى كەزىندە قايتا وڭدەۋ جاعدايدان شىعۋدىڭ جولى بولماق. ءبىز مۇنى جاسايمىز. بىزگە جاڭا مۇناي وڭدەۋ زاۋىتىن سالۋ، جاڭا ونىمدەردى كوبىرەك شىعارۋ قاجەت"، - دەدى.

ەسكە سالا كەتەيىك، بۇعان دەيىن قازاقستاننىڭ ءتورتىنشى مۇناي وڭدەۋ زاۋىتىن سالۋدان باس تارتقانى حابارلانعان ەدى. بۇگىن سالتاناتتى جاعدايدا "ونلاين" رەجيمىندە ەلىمىزدىڭ ءتۇرلى ايماعىندا يندۋستريالاندىرۋ كارتاسىنا ەنگەن 15 جوبا ىسكە قوسىلدى. اتاپ ايتقاندا، تيتان قۇيمالارى مەن بالقىمالارى ءوندىرىسىنىڭ زاۋىتى (شقو)، التىن ءوندىرۋشى فابريكا (قاراعاندى وبلىسى)، اقتوبە رەلس-ارقالىق زاۋىتى جانە تاعى باسقالار.

2014 جىلى يندۋستريالاندىرۋ كارتاسىنىڭ بارلىعى 150 جاڭا جوباسى ىسكە اسىرىلدى.