1. ورماندا مايمىلدار باعىپ ەرجەتكىزگەن ۋگاندالىق جىگىت. ءتورت جاسار كەزىندە شەشەسىنىڭ اكەسى جاعىنان ولتىرىلگەنىن ءوز كوزىمەن كورگەن ءسابي الدى-ارتىنا قاراماستان ورمان ىشىنە قاشىپ كىرىپ، عايىپ بولعان. 1991 جىلعا دەيىن ون بەس جىلعا جۋىق ونى ەشكىم دە بايقاماعان. سوعان دەيىن ول قارا مايمىلدارمەن ءومىر ءسۇرىپ كەلگەن. ءبىراق وسىعان دەيىن ونى اۋىل تۇرعىندارى كورىپ، تاماق بەرىپ جۇرەدى. اكەسىنىڭ جاۋىزدىعىنان قاتتى شوشىنعاندىقتان مايمىل ءۇيىرىن الاڭسىز سەزىنسە كەرەك. ءار كۇنى كەش باتا ورمانعا ءسىڭىپ، كوزدەن عايىپ بولادى ەكەن.

2. بۇل كىشكەنە قىزعا ءبىر يت پەن مىسىق ەكى جىل قامقور بولعان. 2009 جىلى سىبىردە اۋىل تۇرعىندارى ءبىر كىشكەنتاي قىزدىڭ ءتورت اياقتاپ جۇرەتىنىن، سۋدى جالاپ تىلىمەن ىشەتىنىن، كۇشىك قۇساپ ۇرەتىنىن كورىپ جاعالارىن ۇستاعان. كەيىن ءسىبىر ميليسياسى بۇل ءسابيدىڭ ەكى جىل بويى اتا-اناسى جاعىنان جەر تولەگەن قامالعانىن انىقتاعان. وسى ەكى جىل بويىنا ءبىر مىسىق پەن يت ونى ەش اشىقتىرماي، اسىراعان ەكەن.

3. قۇستار اراسىندا ءومىر سۇرگەن بالا. 2008 جىلى رەسەيلىك تۇرعىندار ءار ءتۇرلى قۇستارى بار ءبىر وتباسىندا قۇس سەكىلدى داۋىس شىعاراتىن ءبىر ءسابيدىڭ ءومىر ءسۇرىپ جاتقانىن بايقاعان. ءمالىم بولعانىنداي الگى ءسابيدىڭ اناسى ونى قۇستاردىڭ اراسىندا باعىپ، وعان ءتىپتى ءبىر اۋىز ءسوز دە ۇيرەتپەگەن. وعان حايۋان رەتىندە مامىلە جاساپ، قۇس قامايتىن ۇيدە وسىرگەن. سوندىقتان بۇل ءسابي ءار ءتۇرلى قۇستاردىڭ تىلىندە سايراپ قانا قويماي، ەكى قولىن قانات قىلىپ، قايتا قايتا قاعادى ەكەن.

4. مىسىقتارمەن ءومىر سۇرگەن ءسابي. 2008 جىلى ارگەنتينا تۇرعىندارى جەرتولەدە ءومىر ءسۇراتىن قاڭعىباس مىسىقتاردىڭ ىشىندە ءبىر ءسابيدىڭ بار ەكەنىن بايقپاتى. بالانى قۇتقارۋعا كەلگەن جەرگىلىكتى ميليسياعا مىسىقتار ايبار شەگىپ، ءسابيدى قورعاعان. كەيىن بۇل ءسابيدىڭ ءبىر جاستان اسقانىن جانە وسى ۋاقىتقا دەيىن تەك مىسىقتاردىڭ قاراۋىندا بولعانىن انىقتاعان. دەمەك، تۋىلا سالىپ تاستاندى بولعان.

5. ەشكىلەرمەن ءومىر سۇرەتىن بالا. 2012 جىلى رەسەيدىڭ ءبىر اۋىلىندا تەك ەشكىلەرمەن بىرگە ءورىپ، قوتاندا ەشكىلەرمەن بىرگە ۇيىقتايتىن ءبىر بالا جايلى كوپ ايتىلىپتى. سويتسە، شەشەسى ساشا ەسىمدى بۇل بالانىڭ تەنتەكتىگى ءۇشىن ۇنەمى ەشكى قوراعا قاماپ قويىپ جازالايتىن بولسا كەرەك. ەشكىلەردىڭ ومىرىنە بەيىمدەلىپ كەتكەنى سونشا، ءتىپتى ۇيگە كىرمەي قورادا ۇيىقتاۋدى ءوزى دە ادەتكە اينالدىرعان.

6. قاڭعىباس يتتەرمەن ءومىر سۇرگەن بالا. 2004 جىلى قاڭعىباس يتتەرمەن بىرگە ءومىر سۇرەتىن 5-6 جاسار بالا بايقالعان. كەيىن بەلگىلى بولعانداي، بالاسىن ءۇش اي كەزىندە اناسى تاستاپ كەتكەن. ال قاڭعىباس اكەسى بالاسىن اسىراي الماي كۇرەسىن ساندىعىنىڭ جانىنا قالدىرىپ كەتكەن ەكەن. سودان بەرى يتتەردىڭ قامقورلىعىندا تىرشىلىك كەشىپ كەلگەن بالا سويلەي المايدى، ءتورت اياقتاپ جۇرەدى. ءتىپتى، جاقىن كەلگەن ادامداردى تىستەپ، ماڭىنا جولاتپاۋعا تىرىسادى. ال ادامدار تاماق بەرسە جەمەس بۇرىن يسكەپ الاتىن ادەتى دە بار ەكەن.