ال ساحابالارعا كەلسەك ولار دا كۇتكەن ەدى. ءاز پايعامبار ءماديناعا كىرگەن كەزدە انسار حالقى "توبەمىزدەن اي تۋدى" دەپ جار سالىپ اندەتە قارسى العان ەدى. ال ەندى وسىنى "ءماۋلىت" ەمەس دەپ كورىڭىز.ودان كەيىنگى حاسان باسري تارىزدىلەر دە ءماۋلىتتى جاقسى كورگەن. ءبىراق ءبىزدىڭ حريستيانداردىڭ حازىرەتى يسانى تويلاۋدان اسپان مەن جەردەي ايىرماشىلىعىمىز بار. ولار اۋەلى حازىرەتى يسانىڭ تۋعان كۇنى دەپ تويلايدى. ءبىز ءماۋلىت ايى دەيمىز. ءارى ولار يسا پايعامباردى "قۇداي" دەپ تويلايدى. ءبىز ەشقاشان ولاي ايتپايمىز. ءارى ولار تۋعان كۇن جاعىنان ياعني جەكە ادام رەتىندە تويلايدى. ءبىز سوڭعى پايعامبار رەتىندە ياعني جەكە باسى ەمەس پايعامبارلىق تۇرعىسىنان يلاھي ولشەم تۇرعىسىنان تويلايمىز.ءارى ولار يسانى ەمەس سونى ساتتقاندى تويلايدى. ءارى ولار توي رەتىندە شامپان ءىشىپ كۇنامەن تويلايدى. ءبىزدىڭ توي دەگەنىمىز كادىمگى توي ەمەس. وي. ءبىز وسى ايدى، وسى كۇندى اللانىڭ جاراتىلىس ماقساتىنىڭ نەگىزى ەكەنىن ويلاپ، تافاككۇر ەتەمىز. تەك سونى ەمەس بۇكىل پايعامبارلاردى، پايعامبارلىقتى ەسكە الامىز. ەڭ باستىسى اللانى زىكىر ەتەمىز. ءبىر اي پايعامبارعا سالاۋات ايتامىز. كەيبىرەۋلەر ورىنسىز دۇينەلىك ءان سالىپ تويلاعان بولسا ونىمەن ءماۋلىتتىڭ قاتىسى جوق. ولاردىڭ السىزدىگى. ال بۇگىندە ماۋلىتكە قارسى شىعىپ جۇرگەندەر ءوزىن ءسالافي ساناعاندار. تاكپىرشىلىر. ءبىزدىڭ ەلدە ءالى دە كەيبىر ءسالاف ۋاعىزشىلار ماۋلىتكە قارسى شىعىپ ءجۇر. شاماسى ولار شەيحتارىنىڭ ءفاتۋاسىن ەستىمەگەن بولسا كەرەك. قازىرگى كەزدە ساۋدتىڭ ءمۇفتيىنىڭ ءوزى ءماۋلىت دۇرىس دەپ باتا بەرگەن. ماۋلىتكە ءومىر باقي قارسى بولعان يبن ءبازعا ولار ءماۋلىت وقىتقان. سوندا ماۋلىتكە قارسى بولعانداردان تەك قانا ءبىزدىڭ ەلدەگى تاكپىرشى ۋاعىزشىلدار مەن يشيم عانا قالدى. ال ولاردىڭ مۇسىلمان ەمەس ەكەندىگىنە كۇللى دۇنيە كۋا. ەندەشە بۇگىنگى تاڭدا كۇللى مۇسىلمان الەمى ءماۋلىتتى مويىندايدى. شىركىن اي دەيسىڭ كەيدە. وسىنداي كۇندە، وسىنداي ايدا ءماديناعا بارعانعا نە جەتسىن. ءبىراق ارينە ونداي باقىت ەكىنىڭ بىرىنە ءناسىپ بولا بەرمەيدى. ءۋاسسالام.
(مۇحيتدين يسا ۇلىنىڭ فەيسبۋكتەگى پاراقشاسىنان)
