ەلدىڭ ءبارى كوك ەسەككە تەرىس مىنگىزىپ سىناپ جاتقان "جۇلدىزدار ايتىسىن" عالامتوردان كورۋدىڭ ءساتى بۇگىن عانا ءتۇستى. اتاقتى ساتيريك پەتروسياننىڭ " كوشەگە شىقسام "فيلم دليا دۋراكوۆ" دەگەن جارنامانى وقىپ كىردىم، كوردىم.ماعان ۇنادى..." دەگەنى سەكىلدى مەن دە قارادىم جانە قاتتى ۇناتتىم. شوشيتىنداي دانەڭە جوق. ولەرمەن كۇيدەگى ايتىستى ولتىرمەۋدىڭ ءبىر جولى دەپ ءتۇسىندىم بۇل جوبانى جانە ۇيىمداستىرۋشىلار ماقساتىنا جەتە بىلگەن. ايتىسكەرلەرگە ەش كىنا ارتپايىق، ولار كاسىپقوي اقىندار. ال، انشىلەرىمىزگە ۇلكەن جۇرەكپەن، تۇسىنىكپەن قاراعان ءجون. قالاي دەسەك تە ولار ەل ەركەسى. جوباعا بايلانىستى كەيبىر تانىمال ازاماتتاردىڭ دا جازىپ جاتقانى جاناشىرلىق شىعار. ءبىراق وڭاشا ورتادا ايتىلاتىن، ءبىر ساتتىك اسەردەن العان اڭگىمەلەر عوي. سىناۋشىلاردىڭ ىشىندە ايتىسكەر ارىپتەستەرىمىزدىڭ نازى ورىنسىزداۋ. ءوزىڭ قاتىسپادىڭ ەكەن، ءوز "باقشاڭا" تاس لاقتىرماي، تىلەكتەس بولعان ءجون شىعار.جالپى ءوز باسىم ايتىس جانە ايتىسكەر جايلى جاعىمسىز پىكىرگە شامام جەتكەنشە اراشا بوپ جاتام. كارىس، ءۇندى، تۇرىكتىڭ دە تاۋسىلماس سەريالدارىن كورىپ كەلەدى كورەرمەن. كەيبىر xالىق بۇقا سۇزىستىرەدى، يت، قوراز توبەلەستىرەدى. وسى جەردە تالعام مەن ورە جايلى اڭگىمە قوزعالمايدى عوي... ال، تولىق تابيعاتى قازاقتا عانا ساقتالعان اسىل ونەرىمىز دەسە نەگە ورە تۇرەگەلەمىز؟ ەڭ باستىسى ۇيىمداستىرۋشىلار "اقىندار مەن انشىلەر ايتىسادى" دەگەن جوق، شوۋ ەكەنىن ياعني ەل كوڭىلىن كوتەرۋ ءۇشىن جاسالىپ جاتقان تاجىربيەلىك باعىتتاعى جوبا ەكەنىن ەسكەرتتى عوي. ونسىز دا قازاق پەن ايتىستىڭ كورە المايتىن كۇنشىلدەرى از ەمەس، سوندىقتان كەڭ بولايىق اعايىن !!! (جالپى بۇل شوۋ ايتىس جايلى جۋىق ارادا كەڭىنەن تالداۋ جاسارمىن...)

(باۋىرجان حاليوللانىڭ فەيسبۋكتەگى پاراقشاسىنان)