جاڭا مەديانىڭ ومىرگە كەلۋىمەن ءداستۇرلى باق-تىڭ گازەت، جۋرنال سىندى نۇسقالارى وزدەرىنىڭ سايتتارىن اشىپ، كەيىن كەلە تۇگەلدەي ونلاين نۇسقاعا كوشىپ جاتىر. ال، تەليەۆيدەنيە سالاسى ءالى دە داۋرەندەپ تۇر. بۇگىنگى كۇندە عالامتورمەن ۇزدىكسىز بايلانىسى بار جاستار تەلەديدار قارامايدى دەسەك ارتىق ايتقاندىق بولمايدى. ەندەشە، «كوك ساندىققا» دا ءقاۋىپ ءتونىپ تۇر ما؟

عالامتورداعى ۆيدەوحوستينگتەردىڭ ۇستەمدىگىنىڭ الدىن الۋ ءۇشىن تەليەۆيدەنيەلەر كورسەتىلىمنىڭ ونلاين نۇسقاسىن جانە ءتۇرلى باعدارلامالار مەن شوۋلاردىڭ ۆيدەوسىن سايتتارىنا ورنالاستىراتىن بولدى. مىسالى، قىتايدىڭ حۋنان تەلەارناسى وزىندەگى بىرنەشە باعدارلامانى قىتايعا تىنمال ينتەرنەتتە تىكە تاراتۋ باعادارلامالارىمەن كەلىسە وتىرىپ جۇرگىزىپ، 200 ميلليون يۋان(6 ميلليارد تەڭگە) كولەمىندە كىرىس كىرگىزگەن. ال، بۇگىنگى كۇندە قازاقستاندا جۇزەگە اسىپ جاتقان تەلەجوبالاردىڭ باسىم كوپشىلىگى Youtube نەمەسە Kaztube، Kiwi، Nur.kz، Namba سياقتى ۆيدەوجەلىلەردە كەڭىنەن تانىمال بولىپ تالقىلاۋلارعا ءتۇسىپ جاتادى. تانىمال سايتتاندىڭ تۆ نۇسقاسى اشىلىپ، وندا قوزعالعان ماسەلەلەر تەلەارنا جاڭالىقتارىندا كوتەرىلگەن تاقىرىپتاردان الدەقايدا ءونىمدى كورىلىمگە، ىقپالعا يە بولىپ جاتىر. عالامتوردا ۆيدەوبلوگ رەتىندە ءساتتى جۇرگىزىلگەن جوبالار تەلەارناعا شىعارىلىپ جاتتى. ءتىپتى كوپتەگەن تەلەارنادا عالامتور جايلى ارناي باعدارلامالار اشىلىپ، ءدۇمپۋ تۋدىرعان جازبالارعا نەمەسە ۆيدەولارعا شولۋ جاساپ وتىراتىن بولدى. قورتا ايتقاندا، تەلەارنانىڭ ب ا ق ساحناسىنان ىعىسۋى ءالى ەرتە بولعانىمەن، كورەرمەنىنىڭ ءبىرازىن جوعالتقانى شىندىق. ال، عالامتورداعى بەينەپورتالداردىڭ قولدانۋشىلارى ارتپاسا كەمىمەيدى.

م.جوشى