2015 جىلى ۇلتتىق ءبىرىڭعاي تەستىلەۋدى وتكىزۋدىڭ فورماتى وزگەرمەيدى، دەپ حابارلادى ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنەن.

2015 جىلعى ماۋسىم ايىنىڭ 1ء-ى مەن 15ء-ى ارالىعىندا ەلىمىزدە ۇلتتىق ءبىرىڭعاي تەستىلەۋ (ۇبت) وتكىزىلەدى، وعان 100 مىڭنان استام مەكتەپ تۇلەگى قاتىسادى دەپ كۇتىلۋدە. ۇبت ونى وتكىزۋدىڭ ارنايى پۋنكتتەرىنىڭ بازاسىندا ۇيىمداستىرىلادى.

«ۇبت قازاق جانە ورىس تىلدەرىندە بەس ءپان: قازاق نەمەسە ورىس ءتىلى، ماتەماتيكا، قازاقستان تاريحى، قازاق ءتىلى (ورىس تىلىندە وقىتاتىن مەكتەپتەر ءۇشىن)، ورىس ءتىلى (قازاق تىلىندە وقىتاتىن مەكتەپتەر ءۇشىن)، تاڭداۋ بويىنشا ءپان (تاڭداعان ماماندىققا بايلانىستى، شىعارماشىلىق ماماندىقتارى ءۇشىن تاڭداۋ بويىنشا ءپان - ەركىن) بويىنشا وتكىزىلەدى»، - دەلىنگەن حابارلامادا.

ءار ءپان بويىنشا 25 تاپسىرما ۇسىنىلادى. ۇبت-نى وتكىزۋگە ءۇش جارىم استرونوميالىق ساعات (210 مينۋت) ۋاقىت بەرىلەدى. ۇبت-نى قايتا تاپسىرۋعا رۇقسات ەتىلمەيدى.

ۇبت-نى وبەكتيۆتى جانە ۇيىمداسقان تۇردە وتكىزۋدى ءبىلىم جانە عىلىم مينيسترلىگىنەن ارنايى دايىندالعان وكىلدەر قامتاماسىز ەتەدى. بارلىق ۇبت وتكىزۋ پۋنكتتەرىندە جەرگىلىكتى اتقارۋ ورگاندارى جانە مينيسترلىك تاراپىنان تەستىلەۋدى تابىستى ءارى جايلى تاپسىرۋعا قاجەتتى جاعداي جاسالادى.

"قازاقپارات"