Airlineratings.com سايتى الەمدەگى ەڭ ءقاۋىپسىز اۋە كومپانيالارىنىڭ ءتىزىمىن جاريالادى.

رەيتينگ باسىندا اۆستراليالىق Qantas كومپانياسى تۇر. ونىمەن بىرگە العاشقى وندىققا Air New Zealand، British Airways، Cathay Pacific Airways، Emirates، Etihad Airways، EVA Air، Finnair، Lufthansa جانە Singapore Airlines ەنگەن.

باعاسى ارزان (low-cost) ءارى ءقاۋىپسىز اۆياكومپانيالاردىڭ قاتارىنا Aer Lingus، Alaska Airlines، Icelandair، Jetblue، Jetstar، Kulula.com، Monarch Airlines، Thomas Cook، TUI Fly جانە Westjet كىرگەن.

ال تىزىمدەگى ەڭ ءقاۋىپتى اۋە كومپانيالارى قاتارىندا قازاقستاندىق SCAT، نەپالدىق Tara Air جانە Nepal Airlines، اۋعانستاندىق Kam Air كومپانيالارى اتالعان.

زەرتتەۋگە بارلىعى 449 اۋە كومپانياسى قاتىسقان.

2013 جىلى قاڭتاردىڭ 29-ى كۇنى الماتى ماڭىندا SCAT كومپانياسىنا تيەسىلى كوكشەتاۋ-الماتى باعىتىمەن ۇشىپ كەلە جاتقان Challenger-200 ۇشاعى قۇلاپ، بورتتاعى 5 ەكيپاج مۇشەسى مەن 16 جولاۋشى وپات بولعان ەدى.

"ازاتتىق"