پوپۋليست دەپ بەكبولات قاناي ۇلى، قاڭقۋ ءسوزدىڭ بار ەدى نە قايىرى؟ ۇلشىل ادام ۇندەمەي قالاي تۇرسىن، ەكراننان كورسەتسە انايىنى. ءسالافيت دەپ بەكبولات قاناي ۇلى، ازاماتقا قويايىق الايۋدى. اق جاۋلىقتىڭ جاۋلارى كۇيدىردى ونى، جارنامالاپ جالاڭاش «جابايىنى»؟ مازحابسىز دەپ بەكبولات قاناي ۇلى، قۇلدىڭ ءۇنى، اينالا مالاي ءۇنى. جار بولماسا جاراتقان، جالعىز ادام جاۋلىق سالعان قورعايدى قاي ارۋدى؟ قۇداي سۇيگەن بەكبولات قاناي ۇلى، ءىس اتقاردى ۇلت ءۇشىن تالاي ءىرى! ءدىن ۇستاعان پەندەگە جىنى ۇستاعان، بۇل – قۇدايسىز قارلاردىڭ قارا ويىنى. قۇبىلدى دەپ قاڭقۋعا قالاي ءۇنى، قاپالانبا قازاققا، قاناي ۇلى، «مۇحاممەدكە ەرمەڭدەر، ول – جىندى!» –دەپ، ءسوز تاراتقان، ءوزىنىڭ اعايىنى! قانشا جەردەن بولسا دا اباي – ۇلى، ىشكەن جوق پا تىرلىكتە تالاي ۋدى؟ ارىستارىن «جاۋ» دەسە سەنگەن قازاق، ايىرا الماي التىن مەن قالايىنى. اينالاسى جالاقور، ماڭايى ۇرى، جيىلماسىن ەرىمنىڭ تەك ايىلى. ق ۇلى ءدىنىن، قورعاسىن، اللا قۇلىن ءاسسالامۋ الايكۋم، قاناي ۇلى! سالەممەن، جەتىسۋدىڭ جالايىرى.

(ەلدوس جالعاسبايتەگىنىڭ فەيسبۋكتەگى پاراقشاسىنان)