ءوزىن جۇلدىز سانايتىن انشىلەر ۇنەمى ەركەلىكتەرىن كورسەتكىسى كەلەدى. ماسەلەن، اتاقتى ءانشى سەلين ديون بارعان جەرىندە بولمەسىنىڭ تەرەزەسى تاۋعا قاراپ تۇرعانىن تالاپ ەتسە، ال پوپ - جۇلدىز بيونسە بولسا، تازا اۋىز سۋ مەن كىشكەنتاي قىزىنا جىلجىمالى توسەكتىڭ بولۋىن مىندەتتەيدى. ال ءبىزدىڭ انشىلەردىڭ تالاپتارى قانداي؟

قازاق انشىلەرى تويعا بارعاندا قانداي تالاپ قويادى؟ قىمبات ءقوناقۇي، بيزنەس كلاسستاعى ۇشاق، ەتتى تاعامدار. بۇل ءانشى قايرات نۇرتاستىڭ ۇيىمداستىرۋشىلارعا قوياتىن باستى تالابى.

رايدەرلىك تالابى شەت ەلدىكتەردەن دە كەم ەمەس. تەرەزەسى تاۋعا قاراپ تۇرماسا دا قىمبات ءقوناقۇيدىڭ بولۋى شارت. ۇشاقتان تۇسكەن كەزدە سۋ جاڭا ءارى ءىشى تاپ - تازا كولىككە جايعاۋى ءتيىس.

"سول جەردەگى ءقونقۇيدىڭ ليۋكس كومناتاسىنا تۇراقتايدى. بولمەدە ىشىمدىك بولماۋى ءتيىس"، - دەيدى قايراتتىڭ اناسى ءارى پروديۋسەرى گۇلزيرا ايداربەكوۆا.

ءبىر كۇندە ءتورت كونسەرت، ال ءبىر جەكسەنبىدە التى تويعا بارىپ ۇلگەرەتىن جۇلدىز قاسىنا ءبىر وققاعار مەن كومەكشىسىن مىندەتتى تۇردە وزىمەن بىرگە الىپ جۇرەدى ەكەن.

دەگەنمەن، قايراتتىڭ اناسىنىڭ ايتۋىنشا، ۇيىمداستىرۋشىلارعا شارت قويا ءبىلۋى ءۇشىن دە ءانشىنىڭ سول تالاپقا ساي بولۋى كەرەك.

"حالىقتى جيناۋ ءۇشىن ءبىرىنشى جاقسى اندەر كەرەك. ايتەۋىر كونسەرت بەردى ەكەن دەپ ەشكىم كەلە بەرمەيدى عوي. ءبىرىنشى جاقسى ءان شىقپاي، سەن ەشقايدا بارا المايسىڭ"، - دەدى گۇلزيرا ايداربەكوۆا.

قايرات تانىمالدىلىققا يە بولماي تۇرىپ، تالاي قاراپايىم ساحنالاردا ءان شىرقاعان كورىنەدى. ءتىپتى تەحنيكالىق جابدىقتاردان ادا قالعان جەرلەردە جاندى داۋىسپەن تەگىن ءان شىرقاپ، اتاق پەن بەدەلدى سونداي اۋىل - ايماقتان جيعانىن ايتادى

ال ءۇش جىل بۇرىن قۇرىلعان "شامشىراق" توبىنىڭ ونەردەگى حيكايالارى تىپتەن قىزىق. تالاپ قويعىسى كەلگەنىمەن دە ول كوپ جاعدايدا ورىندالمايدى. اسىرەسە، تويعا بارعاندا اقشا ورنىنا ءتورت تۇلىكتىڭ ءبىرىن قۇشاقتاپ قايتادى ەكەن.

توپتىڭ مۇنداي جاعدايعا تاپ بولۋىنىڭ باستى سەبەبىن انشىلەردىڭ وزدەرى دە بىلەدى. تالاپ قويماعاننىڭ كەسىرى. ال حالىق ءارتىسى روزا رىمبايەۆانىڭ ۇلى ءالي وقاپوۆ ەڭ تالاپشىل انشىلەردىڭ قاتارىنان بولىپ شىقتى.

"ءاليدى باسقا قالاعا شاقىرعاندا الدىمەن ۇشاق بولۋى ءتيىس. ەكىنشىدەن ءقوناقۇي، تاماق، كولىك. سۇرايتىنى سول"، - دەيدى ءاليدىڭ پيار – ديرەكتورى ەرلان ءالىموۆ.

نەگىزگى ۇيىمداستىرۋشىلارعا ءانشىنىڭ باستى تالابىن جەتكىزەتىن جىگىتتىڭ ەسىمى - ەرلان ءالىموۆ. بۇرىن توپتاردىڭ بىرىندە ءان ايتقان جىگىت ءقازىر ءاليدىڭ كومەكشىسى. ياعني، رايدەرى. سوندىقتان بولار، ءانشى ەشقاشان الدانىپ كورمەپتى.

"رايدەردە جازىلعان نەگىزى گونوراردىڭ جارتىسى تولەنەدى. جارتىسى تويدىڭ الدىندا نەمەسە ۇشىپ كەلگەن ۋاقىتتا تولەنەدى، تەك تويدان كەيىن ەمەس"،- دەدى ءالي وقاپوۆتىڭ پيار-ديرەكتورى.

مۋزارت توبى مەن ءانشى ايقىن تولەپبەرگەنوۆتىڭ تالاپتارى بىردەي. ولار باستىسى تەحنيكالىق اپپاراتۋرالاردىڭ مىقتى بولۋىن نازاردا ۇستايدى ەكەن.

"31 تەلەارنا"