جىل جىل ساناپ ادامازاتتىڭ ويلاۋ قابىلەتى دامىپ كەلەدى، دامىپ كەلەدى! ادامنىڭ ميى كەرەمەت پروگرەسس جاساپ جاتىر! مەديسينا. ءبىر كەزدەرى كادىمگى سوقىر ىشەكتەن قانشاما ادام مەزگىلسىز قازا بولدى؟ بۇگىن ەڭ شالعاي اۋىلداعى، قاتارداعى حيرۋرگ الىپ تاستايتىن، قالالاردا جاتقىزىپ، لازەرمەن وپەراسيا جاساپ، بىرەر ساعاتتان سوڭ ۇيىنە قايتارا سالاتىن جەتىستىككە جەتتىك. تاتەمنىڭ كوزىنە وپەراسيا جاساعانىن كوردىك! ءقازىر ءبىر ادامنىڭ جۇرەگىن ءبىر ادامعا سالىپ بەرەتىن، ءتىپتى ادامنىڭ اعزاسىنان كلەتكا الىپ، ادامنىڭ قۇلاق، بۇيرەك، جۇرەگىنە دەيىن ءوسىرىپ بەرە الاتىن بولىپتى،،، ءبىر كەزدەرى ارمانداۋعا دا قيال جەتە المايتىن جەتىستىكتەر تەحنيكا. ەرتەگىلەردە ەستيتىن نارسەلەردىڭ ءبارى ورىندالىپ جاتىر: ورىندىقتا جايعاسىپ وتىرىپ، تاماق ءىشىپ، كينو كورىپ وتىرىپ، جەتى قات كوكتىڭ ۇستىندە ۇشىپ كەلە جاتاسىز! جەردىڭ شەتىندە جۇرگەن اداممەن كورىپ، سويلەسىپ وتىرا بەرەسىڭ! تۇرمىسىمىز - وت جاعۋ، كىر جۋۋ، سيىر ساۋۋ، سۋىق ۇيدە تۇرۋ، قولدان ەتىك جاساپ كيۋ - بالالارىمىزعا ايتساق قيال عاجايىپ ەرتەگىدەن ەستىگەندەي، كوز الدارىنا ەلەستەتە المايدى كوبىسى. مادەنيەت. وسىدان 500 – 1000، ودان دا بۇرىنىراق كەزدەگى ( 500- 1000 جىل دەگەن ادامزاتتىڭ ءومىر ءسۇرىپ جاتقان كەزەڭدەرمەن سالىستىرعاندا سونداي كوپ ۋاقىت تا ەمەس) مادەنيەتتەن قانشا ساتى جوعارى ەكەنىنە داۋ جوق. تازالىق، كيىم كيىس، ءسوز سويلەۋ تاعى باسقاسى. بۇل جەردە، ارينە، كۇمان تۋدىراتىن جەرلەرى كوپ. شىن مانىندە بابالارىمىزدىڭ مادەنيەتى جوعارى ما، جوق بىزدىكى جوعارى ما دەگەندەي،، وسىنشا دامىعان، وسىنشا ىلگەرلەگەن ادام بالاسى مال ىستەمەيتىن زۇلىمدىعىن دا جەتىلدىرىپ ، مالدا دا جوق ءناپسىنىڭ، قۇلقىننىڭ ق ۇلى بولىپ كەلەدى، كەلەمىز.

ءبىر-بىرىن ءولتىرۋ.  ەتپەن كورەكتەنەتىن جىرتقىش اڭدار قانشا شاما شارقى كەلسە دە، ءتىپتى ءوزىنىڭ قارسىلاس جاۋلارىن دا قىناداي قىرمايدى. ال ادامدار جەر بەتىندەگى قانشا سوعىستاردا ءوزى سياقتى ەكى اياقتى پەندەلەردى قالاي قىردى؟ ءجۇز مىڭداپ، ميلليونداپ! گاز كامەراعا سالىپ جاعىپ، باس سۇيەكتەرىنەن تاۋ جاساپ، ۇستىلەرىنە بومبا تاستاپ! بۇل قىلىعىنا قاراپ وتىرىپ: قالاي بۇل ەكى اياعىنان جۇرگەن ماقۇلىقتى "چەلوۆەك رازۋمنىي" اقىل-ەسى بار پەندە دەپ ايتۋعا كەلەدى دەپ ويلايسىڭ... دۇنيە جيناۋ. "مالدان كۇنىڭ تومەن، مالسىڭ با، سەن مالسىڭ" دەپ تومەندەتەتىن مالدار بۇل جاعدايدا ادامداردان الدە قايدا "ادامگەرشىلىگى" جوعارى تۇرادى-اۋ! قانشاما قانداستارى، ادامزات ىشەرگە تاماق، كيەرگە كيىم تابا الماي جاتقان كەزدە - مىڭ ادامعا ون جىل ازىق بولاتىن جىلتىراق تاستى قولعا، مويىنعا تاعىپ، تىشاتىن جەرىنە دەيىن التىنداپ، ءجۇز، ءتىپتى مىڭ ادامعا باسپانا بولاتىنداي ۇيدە جالعىز وتباسى تۇرۋ، ءجۇز ادامعا مىنۋگە جارايتىن كولىكتى جاساپ بەرۋگە جەتەتىن كولىكتى ءبىر ادام ءمىنۋ، جازا بەرسەڭ ءبىر ءتۇن جازىپ تاۋىسا الماسسىڭ،، اتاق-ابىرايعا ۇمتىلۋ.  اتاق ءۇشىن، ارزان جالعان ابىروي جيناۋ ءۇشىن ادام نە نارسەگە بارمايدى؟؟؟ "جالماۋىزداي جالاڭداپ، ار-ۇياتتان كۇسىپ" كەتەتىنىن كۇندە كورۋگە بولادى! بيلىككە ۇمتىلۋ. مال، حايۋان بالاسى ءوز ۇيىرىنە بيلىك جاساۋعا تالاسادى، وندا دا كوبىنەسە ولارعا قامقور بولىپ، جاعدايلارىن جاساپ، باسقالاردان قورعاۋ ءۇشىن، ودان ارىسى ولارعا قاجەت ەمەس! ال جۇمىر باستى، ەكى اياقتى، تينامداي عانا پەندە جەر بەتىن تۇگەل باعىندىرسام دەپ الەكتەنەدى. سونداعى ءوزىنىڭ عۇمىرى قاس قاعىم عانا ءسات! بوققا كەرەك جوق، ءمانساپقا جەتىپ ءوزى سياقتى ەكى اياقتىلاردىڭ ۇستىنەن بيلىك جۇرگىزگەن ۋاقىتى ارى كەتسە 30 –40 جىلعا سوزىلار اۋ،، ودان نە راحات، نە پايدا؟؟ سول ەكى اياقتى بىلاي قاراساڭ، اقىلدى، ءبىلىمدى، ءبىراق ىستەگەن ءىسى ميعا سيمايتىن ماقۇلىقتىڭ ءبىرى - ءوزىم ەكەنىن مويىداۋىم كەرەك،، سونداعى جەتىلگەن، دامىعان وي-سانامىزدىڭ، اقىلدىڭ جەتكەن جەرى وسى بولدى. مي دامىعان سايىن، ونىڭ زۇلىمدىق جاساۋ قابىلەتى دا دامىپ اق كەلەدى-اۋ،، ءناپسىنىڭ تابەتىن ەكى اياقتى ماقۇلىق ەشقاشان تويدىرا الماس،،، وسىلاي دامي، دامي ەكى اياعى بار ماقۇلىق، جەر بەتىندەگى وزىمەن قوسا ەش جازىعى جوق قانشاما جان جانۋارمەن قوسا تىرشىلىكتى جويىپ جىبەرەتىن زامان دا وتە الىس جەردە كەلە جاتقان سياقتى كەيدە،

(احمەتبەك نۇرسيلانىڭ فەيسبۋكتەگى پاراقشاسىنان)