«Kesh You» توبىندا كەلەسى ايدان باستاپ ونەر كورسەتەتىن جاڭا ەسىمدەر بەلگىلى بولعانداي.  وسىدان بىرنەشە ۋاقىت بۇرىن «Kesh You» توبىنان ايدانانىڭ كەتەتىنى تۋرالى جازعان بولاتىنبىز. بۇل جونىندە توپ پروديۋسەرى بايان ەسەنتايەۆا ارنايى سايتىمىزعا بەرگەن ەكسكليۋزيۆتى سۇحباتىندا توپتىڭ قۇرامى وزگەرەتىنى جانە ايدانانىڭ توپتان كەتەتىندىگىن مالىمدەگەن بولاتىن.

«گەرلز بەند دەگەن سونداي، قۇرامى ۇنەمى وزگەرىپ وتىرادى. بىرەۋ كۇيەۋگە شىعادى، بىرەۋ جۇكتى بولادى، ءبىرى جۇلدىز اۋرۋىنا شالدىعادى، ەكىنشىسى ماحابباتتان باسى اينالىپ قالادى. قىزدار كوللەكتيۆىن ۇزاق ۇستاپ تۇرۋ وڭاي ەمەس، الايدا «Kesh You» بۇگىن پايدا بولىپ ەرتەڭ جوق بوپ كەتەتىن توپ ەمەس ەكەندىگىن قانشا جىلدان بەرى دالەلدەپ كەلەدى. ءبىراق قۇرام وزگەرەدى. مەن سىزدەرگە مۇنى سەنىمدى تۇردە مالىمدەيمىن! ايدانا تۇرمىسقا شىققالى جاتىر، سۇيىكتىسى بارىن ءبارى بىلەدى. تويدىڭ قاشان بولاتىنى ازىرگە بەلگىسىز، ايدانانىڭ «Kesh You» توبىمەنمەن كەلىسىمشارتى اقپان ايىندا بىتەدى. ودان سوڭ ارى قاراي كورە جاتارمىز، تويدىڭ كۇنى دە سول ۋاقىتقا بەلگىلى بولىپ قالار. ءبىراق 99 پايىز سەنىمدى تۇردە ايتا الامىن « Kesh You» ءدىڭ قۇرامىن وزگەرتەمىز»،-دەپ ايتقان بولاتىن.

كەشە بايان ەسەنتايەۆا ءوزىنىڭ Instagram- داعى پاراقشاسىندا ەكى ءانشى ارۋدىڭ  فوتوسۋرەتتەرىن كوممەنتارييسىز جاريالادى. ءتىپتى قىزداردىڭ ءاتى-جونى دە بەلگىلەنگەن جوق. ءبىز وسى ورايدا قىزدارمەن جاقىنىراق تانىسۋ ماقساتىندا الەۋمەتتىك جەلىلەردەگى  پاراقشالارىن ىزدەستىرىپ كوردىك. بالجان جانە اقبوتا — عالامتورداعى كوپشىلىك بۇل ەكى ارۋدى «Kesh You» توبىنىڭ جاڭا قۇرامىندا ونەر كورسەتۋى مۇمكىن دەپ وتىر.

ەگەر ايدانا مەدەنوۆا پروديۋسەرمەن كەلىسىم شارتى اياقتالاتىن بولسا،دەمەك كامشات جولدىبايەۆانىڭ دا توپتاعى تاعدىرى ءبىز ءۇشىن بەلگىسىز. ماسەلەنىڭ ءمان-جايى وسى ايدىڭ اياعىندا انىق بولادى.

وسىلايشا ون جىل ىشىندە توپتىڭ قۇرامى 7-رەت وزگەرمەك. توپتىڭ قۇرامىندا وسى ۋاقىتقا دەيىن انەل ارىنوۆا، زۋمراد گارايەۆا، مارجان مەندىبايەۆا، نايليا زايتوۆا، ءمولدىر اۋەلبەكوۆا، جانار دۇعالوۆا سىندى ارۋلار ونەر كورسەتكەن.

دەرەككوز: baistarts.kz