تۇركى الەمىندە عىلىم مەن مادەنيەت سالاسىندا قىزمەت كورسەتەتىن ەڭ بەدەلدى ۇيىمداردىڭ ءبىرى بولىپ تابىلاتىن تۇركى الەمى جازۋشىلارى مەن ونەر قايراتكەرلەرى قورىنىڭ پرەزيدەنتى (TÜRKSAV) ياحيا اكەنگين قازاقستاننىڭ حالىق جازۋشىسى، قىرعىزستاننىڭ حالىق اقىنى، «تۇركى تىلدەس حالىقتار اراسىنداعى ەڭ ۇزدىك الەم اقىنى» اتاعىنىڭ يەگەرى، قوعام قايراتكەرى مۇحتار شاحانوۆقا  «تۇركى الەمىنە دارا قىزمەتى ءۇشىن» حالىقارالىق سىيلىقتى 2013-جىلدىڭ مامىر ايىندا نيۋ-يوركتا (اقش) وتەتىن «تۇرىك كۇنى» اتتى مادەني-عىلىمي كونفەرەنسيا اياسىندا ۇيىمداستىرىلاتىن سالتاناتتى كەشتە تابىس ەتىلەتىنىن حابارلادى. ەستەرىڭىزگە سالا كەتەيىك، اتالعان حالىقارالىق سىيلىق الاش جۇرتىنىڭ زاڭعار اقىنى ءھام ماقتانىشى مۇحتار شاحانوۆقا 2006 جىلى ءازىربايجان رەسپۋبليكاسىنداعى «ۆەكتور» حالىقارالىق اكادەمياسىندا تۇركيا، ءازىربايدان ، سولتۇستىك كيپر مەملەكەتتەرى اتىنان «تۇرىك الەمىنە سىڭىرگەن ەرەن ەڭبەگى ءۇشىن » اتتى التىن مەدال مەن اتالعان اكادەميانىڭ قۇرمەتتى دوكتورى  اتاعى بەرىلگەن بولاتىن.