اقتوبەدە جەرگىلىكتى تۇرعىن ءتارتىپ ساقشىسىنىڭ تىزەسىن تىستەپ الدى، دەپ حابارلايدى ۆnews.kz.
اراققa سىلقيا تويىپ العان ەكى ازامات اۆتوبۋسقا مىنەدى. ورىندىقتارىنا جايعاسقان بويدا داۋىس كوتەرىپ، جانىنداعىلاردىڭ مازاسىن الا باستايدى. ەسكەرتۋ جاساعان كوندۋكتوردىڭ ءوزىن بالاعاتتاپ، سوزگە كەلەدى.
شىدامى تاۋسىلعان اۆتوبۋس جۇرگىزۋشىسى ولاردىڭ كولىكتەن ءتۇسۋىن تالاپ ەتەدى. ماس جولاۋشىلار وعان دا قۇلاق اسپاعان. اقىرى ءتارتىپ ساقشىلارىنىڭ كومەگىنە جۇگىنۋگە تۋرا كەلەدى.
ءبىرىنشىسى سول بويدا كەشىرىم سۇراپ، اۆتوبۋستان شىعىپ كەتەدى. ال ونىڭ قاسىندا بولعان 48 جاستاعى تۇرعىن ءتارتىپ ساقشىلارىنا جۇدىرىق الا جۇگىرىپتى.
كەيىن تىزەرلەپ وتىرا قالىپ، پوليسيا قىزمەتكەرىنىڭ تىزەسىن تىستەپ العان. قازىرگى ۋاقىتتا وقيعاعا قاتىستى تەرگەۋ ءجۇرىپ جاتىر.
