قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتى ىسكە قوسقان قازاقستان رەسپۋبليكاسىنىڭ تۇرعىندار سانىن ەسەپتەۋىشى بويىنشا قازاقستاندا ءاربىر 81 سەكۋندتا 1 ادام ءتىرى تۋادى، دەپ حابارلايدى Qamshy.kz اقپارات اگەنتتىگى. 

2017 جىلدىڭ باسىندا حالىق سانى 17 917 915 ادامدى قۇراعان. ال اعىمداعى ساتتە 18 146 778 ادامعا جەتكەن. ونىڭ ىشىندە ەر ادامداردىڭ سانى 8 785 273ء-تى قۇراسا، ايەلدەر 9 361 505-كە جەتىپ وتىر.

اعىمداعى ايداعى دەموگرافيالىق وقيعالارعا شولۋ جاساساق:

• ءاربىر 8 سەكۋندتا 1 ادام (نارەستە) دۇنيەگە ءتىرى تۋادى؛
• ءاربىر 216 سەكۋندتا 1 ادام دۇنيەدەن وزادى؛
• ءاربىر 1847 سەكۋندتا 1 ادام ەلگە كەلەدى (يمميگرانت) ؛
• ءاربىر 1410 سەكۋندتا 1 ادام ەلدەن كەتەدى (ەميگرانت) ؛

جىل باسىنان اعىمداعى كۇنگە دەيىن ءتىرى تۋعاندار  373 201، ال دۇنيەدەن وزعاندار  سانى - 125 561.

بۇدان بولەك، ەلىمىزگە كەلىپ-كەتىپ جۇرگەن ادامداردىڭ سانىنا شولۋ جاساساق: قازاقستاندا يمميگرانتتاردان بۇرىن ەميگرانتتار، ياعني ەلدەن كەتەتىندەر باسىم بولىپ تۇر. جىل باسىنان بەرى 15 253 ادام كەلسە، 34 347 شەكارا اسىپ كەتكەن. ال جالىپ ءوسىم 228 546-نى كورسەتىپ وتىر.

بۇگىنگى تاڭدا حالىقتىڭ 15 جاسقا دەيىنگى سانى 21،6 %-دى قۇراسا، 15 جاستان 65 جاسقا دەيىنگى حالىق سانى – 71%-عا تەڭ. ال 65 جاستان اسقان ادامدار سانى 7،4 %-دى قۇراپ وتىر.

15 جاستان كىشى ادامدار سانى 3 890 984ء-تى قۇراسا ، ونىڭ ىشىندە ەر ادامدار – 1 987 807، ال ايەلدەر – 1 903 177. ال 15 جاستان 65 جاسقا دەيىنگى (14 جاستان اسقان جانە 65 جاسقا تولماعان)  حالىق سانى – 12 890 235 بولسا، ونىڭ ىشىندە ەر ادامدار – 6 246 903 بولسا، ايەلدەر – 6 573 332. ال 64 جاستان اسقان ەر ادامدار سانى – 456 532، ايەلدەر سانى 876 974.

ال قازاقستانداعى ەر ادامدار مەن ايەلدەردىڭ ءومىر ءسۇرۋ ۇزاقتىعىنا كەلەر بولساق، ەر ادامدار 63،2 جاس، ال ايەلدەردىڭ 74،1 جىل ءومىر ءسۇرۋى كۇتىلەدى.