«شەكتەۋسىز دارىگەرلەر» اتتى حالىقارالىق ۇيىم راكحاين شتاتىنداعى 25 تامىز بەن 24 قىركۇيەك ارالىعىندا بولعان گەنوسيدكە بايلانىستى جانتۇرشىگەرلىك اقپارات جاريالادى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.

اتالعان ۇيىمنىڭ مالىمەتىنە سۇيەنسەك، دارىگەرلىك كومەكتىڭ ارقاسىندا 9 مىڭعا جۋىق ادامنىڭ جاعدايى جاقساردى. ولاردىڭ 700ء-ى كىشكەنتاي بالالار ەكەنى بەلگىلى بولدى.

«قايتىس بولعان ادامداردىڭ 71،7%-ى زورلىق-زومبىلىقتىڭ قۇربانى بولعان، 6،7 مىڭ روحيندجالىق مۇسىلماننىڭ 5 جاستان تومەن 730 بالانى قوسقاندا قاساقانا ولتىرىلگەنى بەلگىلى بولدى»، دەيدى حالىقارالىق ۇيىم وكىلى.

سونىمەن بىرگە ادامداردىڭ كوپشىلىگىن قاتتى كۇيىك شالىپ، قايتىس بولعان. ءاربىر 10-ىنشى روحيندجالىق مۇسىلمان ءوز ۇيىندە تىرىلەي ورتەنىپ، قازا تاپتى. سونىمەن بىرگە روحيندجالىق مۇسىلمانداردىڭ 5%-ى اۋىر سوققىنىڭ ناتيجەسىندە كوز جۇمعان.

مەديسينالىق ۇيىمنىڭ باسشىسى سيدنەي ۆونگتىڭ ايتۋىنشا، قايتىس بولعانداردىڭ سانى ءالى دە كوپ بولۋى مۇمكىن. ءبىراق ميانما ۇكىمەتى تەرگەۋ جۇمىستارىن جاساۋعا كەدەرگى بولىپ وتىر. سونىمەن بىرگە بانگلادەشتەگى بوسقىنداردىڭ بارلىعى تىزىمدەلمەگەن.