وڭتۇستىك ۋەلس ۋنيۆەرسيتەتى جۇرگىزگەن زەرتتەۋگە سايكەس، ماڭىزدى نارسەنى تالقىلاۋ بارىسىندا كەلىسپەۋشىلىكتەن تۋىنداعان اشۋدى تەجەۋ ادامدى ماسەلەنىڭ بايىبىنا بارعىزبايدى.
ماماندار ەموسيانى تەجەۋ سويلەسۋشىلەردىڭ پسيحيكالىق جاعدايى مەن ونىڭ ونىمدىلىگىنە قالاي اسەر ەتەتىنىن زەردەلەدى. زەرتتەۋگە 204 ستۋدەنت قاتىسقان.
زەرتتەۋشىلەر اشۋدى تەجەۋگە تىرىسۋ ەرىكتىلەردىڭ اقىل-ويىنا اسەر ەتپەگەنىن انىقتادى، دەپ حابارلادى Meddaily. الايدا ەگەر قاتىسۋشىلار اڭگىمەگە قاتىستى ءوز ەموسياسىن جاسىرۋعا تىرىسسا، ولاردىڭ ماسەلەگە دەن قويۋى قيىنداي تۇسكەن.
اڭگىمەگە قاتىسى جوق جاعدايدان تۋىنداعان اشۋ مۇنداي اسەر تۋدىرماعان. ياعني، بارلىعى ەموسيانى وياتقان كوزگە بايلانىستى.
عالىمداردىڭ پىكىرىنشە، ماسەلەنى تالقىعا سالعان كەزدە ادامدار ەموسيانى جاسىرۋ كەرەك پە، جوق پا، سونى ويلانىپ الۋى ءتيىس.
دەرەككوز: يا "كازينفورم"
