كونە كىتاپتىڭ كولەمى سىرىڭكەنىڭ قورابىنداي عانا. قاسيەتتى جازبانى سەمەيدەگى تاتار قوعامدىق ورتالىعىنىڭ مۇراجايىنا جەرگىلىكتى تۇرعىنداردىڭ ءبىرى جەتكىزگەن.
ونىڭ ايتۋىنشا، سيرەك كەزدەسەتىن كىتاپ وعان اتاسىنان مۇرا بولىپ قالعان. جادىگەردىڭ باستى ەرەكشەلىگى – ونىڭ كەلەسى بەتىندە ۇلعايتقىش اينەك ورنالاستىرىلۋى. وسى قۇرىلعى ارقىلى كىتاپتى ەش قيىندىقسىز وقۋعا بولادى. كىتاپتىڭ سىرتقى مۇقاباسى تازا مىستان جاسالعاندىقتان، ارىپتەرى جاقسى ساقتالعان.
شاۋقات فايزۋللين، تاتار ورتالىعى مۇراجايىنىڭ جەتەكشىسى: مەن ومىرىمدە ءبىرىنشى رەت وسىنداي كىشكەنتاي قۇراندى كورىپ تۇرمىن. بالكىم سول كەزدەرى قاسيەتتى كىتاپتىڭ كولەمى شاعىن بولعاندىقتان، قالتاعا سالىپ نەمەسە مويىنعا تۇمار رەتىندە ءىلىپ جۇرسە كەرەك-تى. ال، ۇلعايتقىش ارقىلى كىتاپتاعى كەز كەلگەن سۇرەنى قيىندىقسىز اشىپ وقۋعا بولادى.
Muslim.kz
