سوڭعى كەزدەرى قازنەتتە تانىمال بولعان ۆيدەولاردى ءبىز ايتپاساق تا ءبىلىپ وتىرسىز. قازاقتىڭ تويى مەن دۋمانى ونىڭ ان-كۇيىنسىز قالدى. تاماشا ءازىل مەن ءاننىڭ ورنىن، ساف ونەردىڭ ورنىن ەندى جارتىلاي جالاڭاش نەمەسە دىرداي جالاڭاش بيلەۋ باسىپ بارا جاتقان سياقتى.

وعان دالەل وسىدان بىرنەشە كۇن بۇرىن ۆك الەۋمەتتىك جەلىسى مەن Facebook الەۋمەتتىك جەلىسى ارقىلى جالپاق جۇرتقا تاراعان ۆيدەو. بۇل ماسقارالىقتى ەل-جۇرت سىنايمىز دەپ بولىسە وتىرىپ، ونىڭ جارناماسىن اسپانعا شارىقتاتتى. بۇل ناعىز - "اتىڭ شىقپاسا جەر ورتەنىڭ" كەرى.

وسىنداي جاعداي بىرنەشە اي بۇرىن تۇنگى كلۋبتاردىڭ بىرىندە ورىن الىپ، اتالمىش بەينەكورىنىستە WhatsApp جەلىسى ارقىلى كەڭىنەن تارالعان ەدى.

ءبىزدىڭ قوعام مۇنداي ازعىندىققا سەلت ەتپەيتىن دەڭگەيگە ءتۇستى. بۇگىنگى كۇن ءۇشىن ونىڭ الدىن الۋعا تەك ءسىز بەن ءبىزدىڭ يمانىمىز عانا توسقاۋىل بولا الادى. وسى توي مەن كلۋب يەلەرىن جالپى حالىققا شوۋ جاسايمىز دەپ حالىقتىڭ ۇيات پەردەسىن جىرتقانى ءۇشىن سوتقا بەرۋ كەرەك. مۇنداي ازعىندىقتى ءار ادامنىڭ يماندىلىق پەن ۇياتقا قاراي جاساعان از عانا قادامى ارقىلى بۇكىل قوعامدى ۇلكەن ىلگەرلەۋگە جەتەلەي الامىز. بۇل ىسكە بەي-جاي قاراماڭىز...