ۋكراينا جانە رەسەي ءجۋرناليسى، ساياساتكەر اناتوليي ۆاسسەرمان جاڭا جىل الدىندا 2018 جىلعا بولجام جاساعان، دەپ جازادى Qamshy.kz اقپارات اگەنتتىگى.

ونىڭ بولجامدارىنا سايكەس،  2018 جىلدىڭ ەڭ داۋلى اقپاراتتارى اقش-تان شىعاتىن بولادى. ءبىرىنشى كەزەكتە اقش پرەزيدەنتىنە ءتۇرلى ايىپتاۋلار تاعىلادى. حالىقتىڭ ترامپقا دەگەن سەنىمى تومەندەيدى.

«قاراشادا امەريكادا پارلامەنت سايلاۋى وتەدى. ەگەر ترامپتى قالدىرسا، ونىڭ پارتياسىنىڭ جەڭىلەتىنى ءسوزسىز»، - دەدى ول. ۆاسسەرماننىڭ ايتۋىنشا، امەريكانىڭ ىشكى ساياسي جانجالىنا وسى جىلى الەم كۋا بولادى.

«2017 جىلى كحدر-دىڭ ۇزدىكسىز زىمىراندارىنىڭ كەسىرىنەن اقش پرەزيدەنتى پحەنيانعا اسكەري قۋاتتى ارتتىرۋعا ۋادە بەرگەن. الايدا ناتيجەسى ءالى بايقالماي كەلەدى»، - دەدى ساياساتكەر.

ۆاسسەرمان سونداي-اق  2018 جىلى گرۋزيانىڭ بۇرىنعى پرەزيدەنتى سااكاشۆيليدىڭ كۇشى ارتاتىنىن ايتىپ، كييەۆتە جاڭا مايدان ورنايتىنىن ەسكەرتتى. سااكاشۆيلي ۋكراينادا پوروشەنكونىڭ جانىندا وتىرعان جەمقور شەنەۋنىكتەرمەن كۇرەسەتىن بولادى. بۇل جاعدايدا وعان ۋكرايناداعى بۇرىنعى باستى رەيدەر كولومويسكيي مەن ونىڭ كومەكشىسى گريگيان كومەكتەسەتىن بولادى. ەكەۋى دە جەمقورلىق پەن مەملەكەتتەردىڭ توڭكەرىستەردىڭ باسى قاسىندا جۇرگەندەر.

ۆاسسەرمان 2018 جىلى بولاتىن سوعىستار مەن جانجالدار تۋرالى دا ايتتى. ونىڭ پىكىرىنشە، اقش-تا بيلىكتىڭ رۇقساتىنسىز-اق كەز كەلگەن ۋاقىتتا سوعىس باستالۋى مۇمكىن. ۆاسسەرمان سونداي-اق دايش-پەن سوعىستان كەيىن تۇرىكتەر مەن كۇردتەردىڭ سوعىسى باستالادى دەگەن بولجامعا كەلدى.

بۇدان بولەك مۇناي باعاسىنىڭ ارتاتىنىن ايتتى.

«2017 جىلى بيتكوين 21 000 دوللارعا قىمباتتادى، كەيىن 12 000 دوللارعا دەيىن ءتۇستى. ءقازىر قايتا قىمباتتاپ جاتىر. بارلىق قۇرىلعان بيتكويندەردىڭ جالپى باعاسى 300 ميللياردتان استى»، - دەدى جۋرناليست.

سونداي-اق ۆاسسەرمان 18 ناۋرىز كۇنى رەسەيدە بولاتىن سايلاۋدى دا ۇمىت قالدىرمادى. ول ۋاقىتتا ەلدە ۇلكەن شيەلەنىس ورنايتىنىن ايتتى.

 «ءبىزدىڭ سايلاۋ ستراتەگيالىق ارىپتەستەرىمىزدى قىنجىلتاتىن بولادى. ولار رەسەيدەگى دەموكراتيالىق قوردىڭ ەلسينمەن بىرگە اياقتالعانىن ايتىپ، قالعان سايلاۋ دەرەكتەرىن جالعان دەيتىن بولادى»، - دەي كەلە ءوزىنىڭ نەگاتيۆتى بولجامدارىنىڭ ورىندالماۋىن تىلەدى.