اقش «امەريكا قارسىلاستارىنا قارسى تۇرۋ تۋرالى» زاڭ اياسىندا «رەسەيلىك وليگارحتارعا» قاتىستى سانكسيالار ەنگىزۋدى جوسپارلاپ وتىر. بۇل تۋرالى اق ۇيدەگى بريفينگ بارىسىندا قارجى ءمينيسترى ستيۆەن منۋچين مالىمدەگەن، دەپ جازادى Qamshy.kz اقپارات اگەنتتىگى.

«ءبىز وسى تۇرعىدا جۇمىس ىستەۋدەمىز. ولار جاقىن كۇندەرى جاريالاناتىن بولادى»، - دەدى منۋچين شەكتەۋ شارالارى تۋراسىندا.

«كوممەرسانت» باسىلىمىنىڭ دەرەگىنە سۇيەنسەك، اقش اكىمشىلىگى كونگرەسسكە رەسەيدەگى ەڭ كوپ ايلىق تولەنەتىن شەنەۋنىكتەر مەن كاسىپكەرلەردى تانىستىرماق. ونىڭ قۇرامىندا 50-دەن استام ادام بولۋى ابدەن مۇمكىن، ال وتباسى مۇشەلەرىمەن قوسقاندا 300-گە جەتەدى.

قارا تىزىمدەگىلەر بىردەن سانكسياعا ىلىكپەۋى مۇمكىن، تەك كەز كەلگەن ۋاقىتتا ەنىپ كەتۋ ءقاۋىپ بار. الايدا اقش دەموكراتيالىق پارتياسىن ترامپتىڭ جاعدايى الاڭداتىپ وتىر. سەبەبى پرەزيدەنت رەسەيلىك ارىپتەسىمەن قارىم-قاتىناسىنا سىزات تۇسىرۋدەن اۋلاق بولۋدى تاڭداۋى مۇمكىن.

ايتا كەتەيىك، اقش 2017 جىلدىڭ قازانىندا سانكسياعا ىلىككەن رەسەيدىڭ 33 كومپانياسىن جاريالادى. ال جاڭا شەكتەۋ شارالارى 2018 جىلدىڭ اقپانىندا جاريالانۋى مۇمكىن.