قازاقستاننىڭ مادەنيەت جانە سپورت ءمينيسترى ارىستانبەك مۇحامەدي ۇلى 1972 جىلعى ميۋنحەن وليمپياداسىنىڭ چەمپيونى ءالجان جارمۇحاممەدوۆپەن كەزدەستى دەپ حابارلايدى Qamshy.kz اقپارات اگەنتتىگى.  بۇل تۋرالى مينيستر Facebook الەۋمەتتىك جەلىسىندەگى ءوز پاراقشاسىنا جازدى.

ءالجان مۇسىربەك ۇلى قازاقستانعا "استانا" باسكەتبول كلۋبىنىڭ ارنايى شاقىرۋىمەن كەلىپ، ەلورداداعى بالالار اكادەمياسى تاربيەلەنۋشىلەرىنە شەبەرلىك سىنىبىن وتكىزىپتى. كەزدەسۋ بارىسىندا مينيستر قازاقستاندىق جاس سپورتشىلارعا كورسەتكەن قولداۋى ءۇشىن العىسىن ءبىلدىردى.

- اتاقتى باسكەتبولشىنىڭ قازاقستان باسكەتبولى تۋرالى بولىسەرى كوپ ەكەن. ءوز ءىسىنىڭ شەبەرى رەتىندە جارمۇحامەدوۆ پىكىرلەرىن ايتىپ، ماڭىزدى ماسەلەلەردى قاراستىردىق. كەزدەسۋ وتە قىزىقتى ءوتتى. قوناعىمىزعا ەستەلىك سىيلىق ۇسىنىپ، اڭىز اداممەن سۋرەتكە تۇستىك، - دەپ جازدى مينيستر مۇحامەدي ۇلى ءوز پاراقشاسىندا.

ايتا كەتەيىك  1972 جىلى ميۋنحەندە وتكەن وليمپيادا ويىندارىندا ءالجان جارمۇحاممەدوۆ قازاقتان شىققان تۇڭعىش وليمپيادا چەمپيونى اتاعىنا يە بولعان.  1976 جىلعى وليمپيادا ويىندارىندا قولا جۇلدە يەلەندى. ەڭبەگى سىڭگەن سپورت شەبەرى  ءالجان جارمۋحامەدوۆ كسرو قۇراماسى قاتارىندا ەۋروپا چەمپيوناتتارىندا ءتورت رەت جەڭىس تۇعىرىنا كوتەرىلىپ، ەكى مارتە الەم چەمپيوناتى فينالىنا جەتتى.

"ازيا اناكونداسى" اتالعان بويشاڭ (2،07 سم)، تارامىس دەنەلى الجان مۇسىربەك ۇلى قارسىلاستارىنان جىلانداي سىتىلىپ، دوپتى ءدوپ تيگىزەتىن!