قازاقستاندىق ءمولدىر مەكەنبايەۆا بىرىككەن اراب امىرلىكتەرىندە برازيليالىق دجيۋ-دجيتسۋدان وتكەن حالىقارالىق گرەند سلەم جارىسىندا التىن مەدالدى جەڭىپ الدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ. 

«مەن 3 مارتە بوز كىلەمگە شىقتىم. ءبىرىنشىسىن سابميشنمەن جەڭدىم، قالعان ەكى بەلدەسۋدى ۇپاي سانىمەن الىپ كەتتىم. ارينە، قيىندىقتار قايدا بولسا دا بار، ءبىراق ماعان ۇنايدى. بۇل مەنىڭ ابۋ-دابيگە ەكىنشى رەت كەلۋىم. ءبىرىنشى رەت 2016 جىلى الەم چەمپيوناتىنا كەلدىم. بۇگىن مىنە، Grand Slam World Tour حالىقارالىق جارىسىندا بەلدەستىم. 2018 جىلدى مەن «التىنمەن» باستادىم جانە بۇل مەنىڭ الداعى جەتىستىكتەردىڭ جالعاسى بولادى دەپ ۇمىتتەنەمىن»،-دەدى «مۇراعا قالعان ماحاببات» (ليۋبوۆ پو ناسلەدستۆۋ) جانە «ساياحاتشى» (پۋتەشەستۆەننيك) سياقتى فيلمدەردەگى رولدەرى ارقىلى تانىمال مەكەنبايەۆا.

ايتا كەتەيىك، ءقازىر ءمولدىر «قازاق باتىرلار» تاريحي سەريالىنا ءتۇسىپ جاتىر. ول وندا باستى ءرولدى وينايدى.